26 వేల ఐస్‌క్రీం పుల్లలతో రంగోలి

సింగపూర్‌: భారత్‌కు చెందిన తల్లీకూతుళ్లు సింగపూర్‌లో 26 వేల ఐస్‌క్రీం పుల్లలతో రంగోలి కళాకృతి వేసి సింగపూర్‌ బుక్‌ ఆఫ్‌ రికార్డ్స్‌లో చోటు దక్కించుకున్నారు. తమిళ సంస్కృతి ఉట్టి పడేలా సుధా రవి, ఆమె కుమార్తె రక్షిత ముగ్గులు వేస్తుంటారు. దీనికోసం ప్రతిసారి బియ్యం పిండి, చాక్‌, చాప్‌ స్టిక్స్‌ను ఉపయోగించి ముగ్గులు వేస్తుండేవారు. అయితే ఈ సారి మాత్రం విభిన్నంగా నెలపాటు శ్రమించి 26వేల ఐస్‌క్రీం పుల్లలతో తమిళ కవులు-పండితులైన తిరువళ్లువర్‌, అవ్వైయార్‌, భారతీయార్‌, భారతీదాసన్‌ చిత్రాలను వేశారు. కళామంజరి అనే సంస్కృత సంస్థ లిషా అనే సంఘంతో కలిసి ఈ రంగోలి కార్యక్రమాన్ని నిర్వహించింది. 3,200 చదరపు అడుగుల ముగ్గు వేసి 2016లోనే సుధా రికార్డు సృష్టించారు.