రష్యా దాడి.. ఉక్రెయిన్‌లో అయిదుగురి మృతి

 మరో 13 మందికి గాయాలు

కీవ్‌: రష్యా జరిపిన తాజా దాడిలో తమ దేశానికి చెందిన అయిదుగురు పౌరులు మరణించారని ఉక్రెయిన్‌ అధికారులు సోమవారం వెల్లడించారు. మృతుల్లో ఓ మహిళ ఉన్నారని, 13 మంది గాయపడ్డారని తెలిపారు. దక్షిణ ప్రాంత నగరం ఖేర్సన్‌ కూడా రష్యా దాడులకు గురవుతోందని చెప్పారు. తాజా దాడుల్లో కొన్ని నివాస భవనాలు, ఓ ఆసుపత్రి, పాఠశాల, బస్‌స్టేషన్‌, బ్యాంకు, పోస్టాఫీస్‌లు ధ్వంసమయ్యాయని వివరించారు. మరోపక్క ఉక్రెయిన్‌ తూర్పు భాగంలో క్రెమ్లిన్‌, కీవ్‌లకు చెందిన దళాలు ఒకదానితో మరోటి తలపడుతున్నాయి. ప్రస్తుత శీతల వాతావరణంలో మార్పు వచ్చిన తరువాత వాటి బలాబలాల్లో మార్పులు చోటు చేసుకునే అవకాశాలున్నాయి.