China: అమెరికా ఒకే దెబ్బకు రెండు పిట్టల్ని కొట్టాలనుకుంటోంది

భారత్‌ - యూఎస్‌ సంబంధాలపై చైనా

బీజింగ్‌: అమెరికా ఒకే దెబ్బతో రెండు పిట్టల్ని కొట్టాలనుకుంటోందని చైనా అధికార పత్రిక గ్లోబల్‌ టైమ్స్‌ ఓ వ్యాసంలో పేర్కొంది. భారత్‌ను తన మిత్ర దేశంగా చేసుకోవడం ద్వారా స్వప్రయోజనాలను సాధించడంతో పాటు ఆ దేశాన్ని పావుగా వాడుకుని చైనా వృద్ధిని దెబ్బతీయడానికి ప్రయత్నిస్తోందని ఆక్షేపించింది. భారత్‌-అమెరికాల మధ్య అత్యంత కీలకమైన ఒప్పందం ఐసీఈటీ (ఇనీషియేటీవ్‌ ఆన్‌ క్రిటికల్‌ అండ్‌ ఎమర్జింగ్‌ టెక్నాలజీ)పై అక్కసు వెళ్లగక్కుతూ ఈ కథనం సాగింది. భారత్‌ అమెరికాకు వంతపాడే అవకాశాలు తక్కువగా ఉండటంతో ఈ పథకం పారదని వ్యాసంలో ప్రస్తావించారు.