US-Mexico: భారతీయుడైతే 21 వేల డాలర్లు

అక్రమంగా అమెరికాలోకి పంపడానికి మాఫియా ముఠాలు వసూలు చేస్తున్న ధర

వాషింగ్టన్‌: మెక్సికో సరిహద్దులు గుండా అమెరికాలోకి అక్రమంగా ప్రవేశించే ఒక్కో భారతీయుడు నుంచి మనుషులను తరలించే మాఫియాలు 21వేల డాలర్లు వసూలు చేస్తున్నాయని అరిజోనా పోలీసు అధికారి ఒకరు తెలిపారు. ‘‘మెక్సికో సరిహద్దు సురక్షితంగా లేదు. మీరు ఏ దేశం నుంచి వస్తున్నారన్న దానిపై మాఫియా ముఠాలు వసూలు చేసే ధరలు ఆధారపడి ఉంటాయి. ఉదాహరణకు భారతీయుడు అనుకోండి. 21వేల డాలర్లు చెల్లించాలి. కనీస ధర 7వేల డాలర్ల నుంచి ప్రారంభమవుతుంది’’ అని న్యాయాధికారుల కమిటీకి ఆ అధికారి తెలిపారు.