Musharraf: ధోనీ జులపాల జుత్తుకు ముషారఫ్‌ మెచ్చుకోలు

దిల్లీ: పాకిస్థాన్‌ మాజీ అధ్యక్షుడు దివంగత పర్వేజ్‌ ముషారఫ్‌ భారత క్రికెట్‌ జట్టు కెప్టెన్‌గా సేవలందించిన ఎం.ఎస్‌.ధోనీ జులపాల జుత్తును ఇష్టపడేవారు. దాన్ని కత్తిరించుకోవద్దని ఓసారి సూచించారు. ఉత్కంఠభరిత భారత్‌-పాకిస్థాన్‌ క్రికెట్‌ మ్యాచ్‌ను ఆయన మైదానంలో వీక్షించేవారు. చివరిసారిగా 2006లో భారత్‌ జట్టు పాక్‌లో పర్యటించింది. లాహోర్‌లో నిర్వహించిన మ్యాచ్‌లో ధోనీ 46 బంతుల్లో 72 పరుగులు చేసి తన జట్టును గెలిపించి ‘ప్లేయర్‌ ఆఫ్‌ ది మ్యాచ్‌’గా ఎంపికయ్యాడు. మ్యాచ్‌ను వీక్షించిన ముషారఫ్‌ భారత క్రికెట్‌ జట్టుకు అభినందనలు తెలపడంతోపాటు జులపాల జుత్తును కత్తిరించుకోవద్దని ధోనీకి సూచించారు. భారత జట్టుకు బహుమతి అందజేశారు.