నేనున్నానని.. నీకేం కాదని!

శిథిలాల కింద తమ్ముడి తలపై చెయ్యి అడ్డుపెట్టి కాపాడిన అక్క

ఐక్యరాజ్యసమితి: భూకంపం ధాటికి భవనం కూలడంతో ఆ శిథిలాల్లో చిక్కుకుపోయారో అక్కాతమ్ముడు. అలాంటి విపత్కర పరిస్థితుల్లోనూ తన బుజ్జి తమ్ముడికి ఏం కాకుండా చూసిందా ఏడేళ్ల బాలిక. ఓవైపు తాను బండరాయి కింద నలిగిపోతున్నా తమ్ముడికి దెబ్బలు తగలకుండా అతడి తలపై చెయ్యి అడ్డుపెట్టింది. ప్రకృతి విపత్తుతో అతలాకుతలమైన సిరియాలో కన్పించిన ఈ దృశ్యం హృదయాల లోతుల్ని ఆర్ద్రతతో తడిమింది. సహాయక సిబ్బంది సుమారు 17 గంటలు శ్రమించి వారిద్దరిని సురక్షితంగా బయటకు తీశారు. ఇందుకు సంబంధించిన ఫొటోను ఐక్యరాజ్యసమితి ప్రతినిధి మహమ్మద్‌ సఫా తన ట్విటర్‌ ఖాతాలో పోస్ట్‌ చేశారు.