వుహాన్‌ సమాచారంపై చైనాను తప్పుబట్టిన డబ్ల్యూహెచ్‌వో

జెనీవా: వుహాన్‌ మార్కెట్‌లో సేకరించిన నమూనాల సమాచారాన్ని జీఐఎస్‌ఏఐడీ డేటాబేస్‌ నుంచి చైనా తొలగించడాన్ని ప్రపంచ ఆరోగ్య సంస్థ (డబ్ల్యూహెచ్‌వో) తప్పుబట్టింది. కొవిడ్‌ వైరస్‌ మూలాలు తెలుసుకోవడానికి ఈ సమాచారం అవసరమని,  ఈ విషయంలో పారదర్శకంగా వ్యవహరించాలని సూచించింది. ఈ నేపథ్యంలో కొవిడ్‌-19 మూలాలకు సంబంధించి జరిపిన ప్రతి పరిశోధన సమాచారాన్ని అంతర్జాతీయ సమాజానికి అందుబాటులో ఉంచాలని డబ్ల్యూహెచ్‌వో డైరెక్టర్‌ జనరల్‌ టెడ్రోస్‌ అథనోమ్‌ చైనాకు శుక్రవారం స్పష్టం చేశారు. వుహాన్‌ మార్కెట్‌లో ఉంచిన రకూన్‌ శునకాల జన్యు అవశేషాల్లో కొవిడ్‌ వైరస్‌ ఉన్నట్లు గుర్తించామని అంతర్జాతీయ పరిశోధకుల బృందం తాజాగా ప్రకటించింది. ఆ వెంటనే కొవిడ్‌ మూలాలపై అధ్యయనం చేయడానికి ఏర్పాటైన అంతర్జాతీయ వేదిక ‘జీఐఎస్‌ఏఐడీ’ డేటాబేస్‌ నుంచి గతంలో తాను ఇచ్చిన సమాచారాన్ని చైనా తొలగించింది. ఈ పరిణామాల నేపద్యంలో టెడ్రోస్‌ స్పందించారు.