Breaking | Feedback | E-PAPER | Pratibha

కాలిఫోర్నియా నింగిలో కాంతిచారలు

అమెరికాలోని కాలిఫోర్నియా రాష్ట్రంలో ఆకాశాన వింత కాంతి చారలు దర్శనమిచ్చాయి. అవేంటన్నది అర్థంకాని ప్రజలు వాటి వీడియోలను సామాజిక మాధ్యమాల్లో ఉంచారు.

Published : 20 Mar 2023 04:57 IST

అంతరిక్ష వ్యర్థం మండిపోవడమే కారణమంటున్న శాస్త్రవేత్తలు

కాలిఫోర్నియా: అమెరికాలోని కాలిఫోర్నియా రాష్ట్రంలో ఆకాశాన వింత కాంతి చారలు దర్శనమిచ్చాయి. అవేంటన్నది అర్థంకాని ప్రజలు వాటి వీడియోలను సామాజిక మాధ్యమాల్లో ఉంచారు. కొద్దిసేపట్లోనే అవి అదృశ్యమయ్యాయని జేమీ హెర్నాండెజ్‌ అనే వ్యక్తి పేర్కొన్నారు. గతంలో తాను ఇలాంటి పరిమాణాన్ని చూడలేదని పేర్కొన్నారు. అయితే అంతరిక్షం నుంచి వచ్చిపడ్డ శకలాలు భూవాతావరణంలో మండిపోవడం వల్లే ఆ కాంతి చారలు ఏర్పడి ఉంటాయని జోనాథన్‌ మెక్‌డోవెల్‌ అనే ఖగోళశాస్త్రవేత్త పేర్కొన్నారు. భూ కక్ష్యలోని అంతర్జాతీయ అంతరిక్ష కేంద్రం (ఐఎస్‌ఎస్‌)లో జపాన్‌కు చెందిన ఒక కమ్యూనికేషన్‌ సాధనం ఉండేదన్నారు. అది సమాచారాన్ని తొలుత ఒక ఉపగ్రహానికి, ఆ తర్వాత భూమికి చేరవేసేదని చెప్పారు. దాని బరువు 310 కిలోలని, దాన్ని 2020లో ఐఎస్‌ఎస్‌ నుంచి జారవిడిచారని వివరించారు. అది ఇప్పుడు భూ వాతావరణంలోకి ప్రవేశించి, మండిపోయి ఉంటుందని తెలిపారు. ఆ పరిణామం కాంతిచారల్లా కనిపించాయని పేర్కొన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.