92 ఏళ్ల వయసులో అయిదో పెళ్లి!

66 ఏళ్ల మహిళను పెళ్లాడనున్న రూపర్ట్‌ మర్డోక్‌

న్యూయార్క్‌: ప్రపంచ మీడియా దిగ్గజం రూపర్ట్‌ మర్డోక్‌ 92 ఏళ్ల వయసులో ఐదోసారి పెళ్లి చేసుకోనున్నారు. ఇప్పటికే నాలుగు సార్లు విడాకులు తీసుకున్న ఆయన.. తాజాగా 66 ఏళ్ల అన్‌ లెస్లీ స్మిత్‌ అనే మహిళతో పెళ్లికి సిద్ధమయ్యారు. గతేడాదే ఆయన తన నాలుగో భార్యతో విడాకులు తీసుకున్నారు. లెస్లీని త్వరలోనే పెళ్లి చేసుకోనున్నట్లు ప్రకటించిన రూపర్ట్‌.. ఇదే తన చివరి వివాహమని చెప్పారు. ఈ ఏడాది వేసవిలో తాము పెళ్లి చేసుకోనున్నట్లు తెలిపారు. మర్డోక్‌కు ఆరుగురు సంతానం ఉన్నారు.