‘ఎవర్‌గ్రీన్‌’ ఉద్యోగులకు మరో 10 నెలల బోనస్‌

ఇంటర్నెట్‌ డెస్క్‌: సాధారణంగా ఉద్యోగులు ఒకట్రెండు నెలల జీతం బోనస్‌గా వస్తేనే ఎంతో సంబరపడిపోతారు. అలాంటిది ఒకటి కాదు.. రెండు కాదు.. ఏకంగా ఐదేళ్ల వేతనం బోనస్‌గా ఇస్తుంటే ఇంకెంత ఆనందపడిపోతారో కదా.. తైవాన్‌కు చెందిన ఎవర్‌గ్రీన్‌ అనే షిప్పింగ్‌ సంస్థ తమ ఉద్యోగులకు ఇప్పటికే 50 నెలల జీతాన్ని బోనస్‌గా ప్రకటించిన విషయం తెలిసిందే. తాజాగా మరో 10 నుంచి 11 నెలల వేతనాన్ని బోనస్‌ కింద చెల్లించాలని నిర్ణయించింది. అంటే దాదాపు 5ఏళ్ల జీతాన్ని ఆ సంస్థ ఉద్యోగులు బోనస్‌గా అందుకోనున్నారు.