అమెరికాలో ఢీకొన్న సైనిక హెలికాప్టర్లు

9 మంది మృతి

ఫోర్ట్‌ క్యాంప్‌బెల్‌: శిక్షణకు వినియోగిస్తున్న రెండు సైనిక హెలికాప్టర్లు ఢీకొన్న ప్రమాదంలో 9 మంది మృతి చెందారు. ఈ ఘటన అమెరికాలోని కెంటకీలో బుధవారం రాత్రి సంభవించింది. అమెరికా రక్షణ శాఖ అధికార ప్రతినిధి వెల్లడించిన సమాచారం ప్రకారం...బుధవారం రాత్రి 10 గంటల సమయంలో హెచ్‌హెచ్‌-60 బ్లాక్‌హాక్‌ హెలికాప్టర్లు రెండు పరస్పరం ఢీకొన్నాయి. ఆ సమయంలో రెండింటిలో కలిపి తొమ్మిది మంది సైనికులు ఉన్నారు. శిక్షణలో భాగంగా ఒక దాని వెంట మరొకటిగా వెళ్లిన హెలికాప్టర్లు కొద్ది సమయం తర్వాత ప్రమాదానికి గురైనట్లు తెలుస్తోంది.