Breaking | Feedback | E-PAPER | Pratibha

సౌర కుటుంబం ఆవల ఆవాసయోగ్య గ్రహం!

సౌర కుటుంబానికి వెలుపల సుమారుగా భూమి పరిమాణంలో ఉన్న ఓ ఆవాసయోగ్య గ్రహాన్ని ఖగోళ శాస్త్రవేత్తలు తాజాగా గుర్తించారు. ‘ఎల్‌పీ791-18 డి’గా దానికి నామకరణం చేశారు.

Published : 19 May 2023 05:46 IST

దిల్లీ: సౌర కుటుంబానికి వెలుపల సుమారుగా భూమి పరిమాణంలో ఉన్న ఓ ఆవాసయోగ్య గ్రహాన్ని ఖగోళ శాస్త్రవేత్తలు తాజాగా గుర్తించారు. ‘ఎల్‌పీ791-18 డి’గా దానికి నామకరణం చేశారు. భూగోళం నుంచి దాదాపు 90 కాంతి సంవత్సరాల దూరంలోని క్రేటర్‌ అనే నక్షత్ర మండలంలో.. ఓ ఎర్రటి మరుగుజ్జు నక్షత్రం చుట్టూ ఈ గ్రహం పరిభ్రమణం చెందుతోంది. దానిపై క్రియాశీల అగ్నిపర్వతాలు విస్తరించి ఉన్నట్లు అమెరికా పరిశోధకుల బృందం తెలిపింది. భూమితో పోలిస్తే ‘ఎల్‌పీ791-18 డి’ పరిమాణం స్వల్పంగానే ఎక్కువుంటుందని, ద్రవ్యరాశి మాత్రం చాలా అధికంగా ఉంటుందని పేర్కొంది. ఈ గ్రహం ఎప్పుడూ ఒకవైపు మాత్రమే నక్షత్రానికి అభిముఖంగా ఉంటుందని వెల్లడించింది. ఫలితంగా ఆ ప్రాంతంలో వేడి మరీ ఎక్కువగా ఉండొచ్చని.. రెండో వైపున పరిస్థితులు జీవం మనుగడకు అనుకూలంగా ఉండే అవకాశాలున్నాయని అంచనా వేసింది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.