అమెరికా యుద్ధనౌకకు అడ్డుపడడాన్ని సమర్థించుకున్న చైనా

సింగపూర్‌: తైవాన్‌ జలసంధిలో ప్రయాణిస్తున్న అమెరికా డిస్ట్రాయిర్‌ నౌక, కెనడా రక్షణ నౌకలకు అడ్డుగా యుద్ధనౌకను పంపడాన్ని చైనా సమర్థించుకుంది. సింగపూర్‌లో పలు దేశాల మిలిటరీ అధికారుల సమావేశంలో ఆదివారం చైనా రక్షణ మంత్రి జనరల్‌ లి షంగ్ఫూ మాట్లాడారు. స్వేచ్ఛా నౌకాయానం పేరుతో తైవాన్‌ జలసంధిలో అమెరికా నౌక గస్తీ నిర్వహణ చేపట్టడం చైనాను రెచ్చగొట్టడమేనని వ్యాఖ్యానించారు.

‘‘తైవాన్‌ జలసంధిలో సాధారణ రాకపోకలకు అభ్యంతరం లేదు. కానీ ఈ మార్గంపై ఆధిపత్యం కోసం చేసే ప్రయత్నాలను మేం తప్పక నిరోధించాలి’’ అని పేర్కొన్నారు.