నేపాల్‌- చైనా మధ్య 12 ఒప్పందాలు

బీజింగ్‌/కాఠ్‌మాండూ: నేపాల్‌తో చైనా ద్వైపాక్షిక దూకుడును పెంచింది. ప్రస్తుతం బీజింగ్‌లో పర్యటిస్తున్న నేపాల్‌ ప్రధానమంత్రి పుష్పకుమార్‌ దహల్‌ (ప్రచండ)తో 12 ఒప్పందాలు కుదుర్చుకుంది. ఇందులో వాణిజ్యం, రహదారుల అనుసంధానం, ఇన్‌ఫర్మేషన్‌ టెక్నాలజీ తదితర రంగాలు ఉన్నాయి. సోమవారం.. చైనా అధ్యక్షుడు జిన్‌పింగ్‌తో ప్రచండ సమావేశమయ్యారు. ఈ భేటీ అనంతరం ఒప్పందాలపై సంతకాలు జరిగాయి. భవిష్యత్తులో రెండు దేశాల మధ్య సంబంధాలను బలోపేతం చేసుకోవడానికి అవసరమైన సహకారం పెంపొందించుకోవడానికి, వాణిజ్యం, ప్రజా సంబంధాల మెరుగుపరచుకోవడం తదితర అంశాలపై ఇరు దేశాలు తమ అభిప్రాయాలను పంచుకున్నాయి. గతంలో బీజింగ్‌కు అనుకూలంగా వ్యవహరించిన ప్రచండ.. తర్వాత డ్రాగన్‌కు దూరం జరిగారన్న కథనాలు వచ్చాయి. ప్రచండ ప్రస్తుతం చైనాలో ఏకంగా 8 రోజులు పర్యటిస్తుండటం గమనార్హం.