పెట్రోల్‌ బంక్‌లో భారీ పేలుడు.. నాగర్నో-కారాబఖ్‌లో 20 మంది మృతి

యెరెవాన్‌: ఆర్మేనియా, అజర్‌బైజాన్‌ మధ్యనున్న వివాదాస్పద వేర్పాటువాద ప్రాంతం నాగర్నో-కారాబఖ్‌లోని ఓ పెట్రోల్‌ బంక్‌లో సంభవించిన భారీ పేలుడులో కనీసం 20 మంది ప్రజలు మృతి చెందారు. 300 మందికిపైగా గాయపడ్డారు. నాగర్నో-కారాబఖ్‌ను పూర్తిస్థాయిలో స్వాధీనం చేసుకోవడానికి అజర్‌బైజాన్‌ సైన్యం దాడులను ముమ్మరం చేసింది. దీంతో నాగర్నో-కారాబఖ్‌ నుంచి వేల మంది ప్రజలు ఆర్మేనియాలో తలదాచుకునేందుకు పారిపోతున్న క్రమంలో సోమవారం రాత్రి ఈ ఘటన చోటుచేసుకుంది. తమ వాహనాలకు ఇంధనాన్ని నింపుకొనేందుకు అధిక సంఖ్యలో ప్రజలు అక్కడ వేచిచూస్తున్న సమయంలో విస్పోటం జరిగింది