Published : 03 May 2022 08:32 IST

Corona Virus: చిన్నారుల్లో తీవ్ర కొవిడ్‌కు కారణాలివే!

మెల్‌బోర్న్‌: కొంతమంది చిన్నారులు తీవ్ర కొవిడ్‌-19 బారినపడటానికి కారణాలను ఆస్ట్రేలియా శాస్త్రవేత్తలు కనుగొన్నారు. ఈ రుగ్మతను చాలా త్వరగా గుర్తించడానికి, మరింత మెరుగైన ఔషధాలను అభివృద్ధి చేయడానికి ఇది మార్గం సుగమం చేస్తుందని వారు తెలిపారు.

తీవ్ర కొవిడ్‌ బారినపడ్డ చిన్నారుల్లో మల్టీసిస్టమ్‌ ఇన్‌ఫ్లమేటరీ సిండ్రోమ్‌ తలెత్తుతుంది. ఫలితంగా గుండె, ఊపిరితిత్తులు, మెదడులో ఇన్‌ఫ్లమేషన్‌ వస్తుంది. అలాగే రెస్పిరేటరీ డిస్ట్రెస్‌ సిండ్రోమ్‌ అనే ఒకరకం ఊపిరితిత్తుల వ్యాధి కూడా ఉత్పన్నం కావొచ్చు. ‘‘చిన్నారులకు సాధారణంగా కొవిడ్‌ ముప్పు తక్కువ. వారిలో స్వల్పస్థాయి లక్షణాలే కనిపిస్తాయి. అయితే కొందరిలో వ్యాధి తీవ్రరూపం దాల్చడానికి కారణాలపై అస్పష్టత నెలకొంది. రక్తం గడ్డకట్టడం, రోగనిరోధక వ్యవస్థలోని ప్రొటీన్ల చర్యా క్రమం ఇందుకు కారణమవుతున్నట్లు మేం గుర్తించాం’’ అని పరిశోధనలో పాలుపంచుకున్న మెక్‌క్యాఫెటీ పేర్కొన్నారు. తీవ్ర కొవిడ్‌ బారినపడ్డ పిల్లల్లో ఉత్పన్నమైన మల్టీసిస్టమ్‌ ఇన్‌ఫ్లమేటరీ సిండ్రోమ్‌ లక్షణాలు కవాసాకి వ్యాధి, టాక్సిక్‌ షాక్‌ సిండ్రోమ్‌ బాధితుల్లో కనిపించే లక్షణాలను పోలి ఉంటున్నాయని వివరించారు. వీరిలో జ్వరం, కడుపులో నొప్పి, వాంతులు, చర్మంపై దద్దుర్లు, కళ్లకు ఇన్‌ఫెక్షన్లు వంటివి ఉన్నాయని తెలిపారు.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని