Boris Johnson: తప్పైపోయింది.. క్షమించండి: బోరిస్‌ జాన్సన్‌

లండన్‌: కొవిడ్‌-19 నిబంధనలు ఉల్లంఘించి.. తాను, తన ప్రభుత్వంలోని నేతలు, అధికారులు పాల్గొన్న మద్యం విందులపై బ్రిటన్‌ ప్రధాని బోరిస్‌ జాన్సన్‌ బుధవారం పార్లమెంట్‌లో క్షమాపణ చెప్పారు. ‘పార్టీగేట్‌’ కుంభకోణంగా పిలిచే ఈ విందులపై ఏర్పాటు చేసిన స్యూ గ్రే కమిషన్‌ తన తుది నివేదికను సమర్పించింది. ఇందులో ప్రభుత్వంపై తీవ్ర వ్యాఖ్యలు చేసింది. మద్యం విందులకు సీనియర్‌ నాయకత్వమే బాధ్యత వహించాలని స్పష్టం చేసింది. ఈ నేపథ్యంలో జాన్సన్‌.. నివేదికలోని అంశాలను పార్లమెంట్‌లో అంగీకరించారు. ఈ విషయాన్ని ఇంతటితో వదిలేసి, ముందుకు కదులుదామని, ప్రభుత్వ ప్రాధాన్యతలపై దృష్టి పెడదామని పేర్కొన్నారు.