Sri lanka: అప్పులను లంక పునర్‌వ్యవస్థీకరించుకోవాలి

ఆ తర్వాతే మేం సహాయ ప్యాకేజీ అందిస్తాం: ఐఎంఎఫ్‌

కొలంబో: తీవ్ర ఆర్థిక సంక్షోభంలో కూరుకుపోయిన శ్రీలంక ముందుగా చైనా సహా ఇతర రుణదాతలతో అప్పులను పునర్‌వ్యవస్థీకరించుకోవాలని అంతర్జాతీయ ద్రవ్య నిధి (ఐఎంఎఫ్‌) సూచించింది. ఆ తర్వాతే ఆ దేశం తమ నుంచి ఆర్థిక ప్యాకేజీని ఆశించాలని పేర్కొంది. అప్పుల పునర్‌వ్యవస్థీకరణ పూర్తయ్యాక సాధ్యమైనంత వేగంగా సహాయక ప్యాకేజీని అందించేందుకు కృషిచేస్తామని తెలిపింది. చైనాకు లంక దాదాపు 650 కోట్ల డాలర్ల మేర అప్పులు చెల్లించాల్సి ఉన్నట్లు అంచనా.

పార్లమెంటును ప్రొరోగ్‌ చేసిన విక్రమసింఘె

శ్రీలంక పార్లమెంటును గురువారం అర్ధరాత్రి నుంచి ప్రొరోగ్‌ చేయాలని దేశాధ్యక్షుడు రణిల్‌ విక్రమసింఘె నిర్ణయించారు. వచ్చే నెల 3న పార్లమెంటు తిరిగి సమావేశమవుతుంది.