Corona Virus: కొవిడ్‌-19పై మెరుగ్గా పోరాడుతున్న చిన్నారుల నాసిక

చిన్నారుల్లో ముక్కులో ఉండే ప్రత్యేక పొర పెద్దవారితో పోల్చితే కొవిడ్‌-19 కారక సార్స్‌-కోవ్‌-2 ఇన్‌ఫెక్షన్లను మెరుగ్గా నిరోధిస్తున్నట్లు తాజా అధ్యయనంలో వెల్లడైంది. ఈ కారణంగానే పెద్దవారితో

Updated : 05 Aug 2022 09:21 IST

మెల్‌బోర్న్‌: చిన్నారుల్లో ముక్కులో ఉండే ప్రత్యేక పొర పెద్దవారితో పోల్చితే కొవిడ్‌-19 కారక సార్స్‌-కోవ్‌-2 ఇన్‌ఫెక్షన్లను మెరుగ్గా నిరోధిస్తున్నట్లు తాజా అధ్యయనంలో వెల్లడైంది. ఈ కారణంగానే పెద్దవారితో పోల్చితే చిన్నారులు మునుపటి వేరియంట్లకు సంబంధించినంత వరకు వైరస్‌ బారిన పడడం తక్కువగా ఉండడం, లక్షణాలు సైతం స్వల్పంగా ఉండడం జరుగుతోందని ఆస్ట్రేలియాలోని క్వీన్స్‌లాండ్‌ యూనివర్సిటీ (క్యూయూ) శాస్త్రవేత్తలు తెలిపారు. అదే సమయంలో ఒమిక్రాన్‌ వేరియంట్‌ విషయంలో మాత్రం ఈ ధోరణి తక్కువగా ఉందని స్పష్టంచేశారు. ‘‘పెద్దలతో పోల్చితే చిన్నారుల్లో కొవిడ్‌-19 ఇన్‌ఫెక్షన్‌ రేటు తక్కువగా ఉండడం, కొద్దిపాటి తీవ్రత గల లక్షణాలే కనిపించేవి. ఇలా ఎందుకు జరుగుతోందనడానికి కారణం తెలియదు. పూర్వపు సార్స్‌-కోవ్‌-2 విషయంలో పెద్దలతో పోల్చితే చిన్నారుల ముక్కుల్లో ఉండే పొర మరింత ఇన్‌ఫ్లమేటరీ స్పందనను కలిగి ఉన్నట్లు తాజాగా మేం గుర్తించాం’’ అని యూక్యూకు చెందిన కిర్స్‌టీ షార్ట్‌ తెలిపారు. ఈ మేరకు పరిశోధకులు 23 మంది ఆరోగ్యవంతులైన చిన్నారులు, 15 మంది ఆరోగ్యవంతులైన పెద్దల నాసికా పొర కణాలను సేకరించి సార్స్‌-కోవ్‌-2 వైరస్‌కు ఎక్స్‌పోజ్‌ అయ్యేలా చేశారు. అనంతరం పరిశీలించగా.. చిన్నారుల నాసికా కణాల్లో వైరస్‌ తక్కువ సామర్థ్యంతో ప్రతిబింబించగా, వైరస్‌ నిరోధక స్పందనలు అధికంగా కనిపించాయి. ప్లాస్‌ బయాలజీ జర్నల్‌లో ఈ అధ్యయనం వివరాలు ప్రచురితమయ్యాయి.

Read latest World News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

చదువు