కబళిస్తున్న టైప్‌-1 మధుమేహం!

 2021లో 84 లక్షలుగా నమోదైన బాధితుల సంఖ్య

వ్యాధి ప్రబలంగా ఉన్న టాప్‌-10 దేశాల్లో భారత్‌

మెల్‌బోర్న్‌: ప్రపంచవ్యాప్తంగా టైప్‌-1 మధుమేహ బాధితుల సంఖ్య గత ఏడాది 84 లక్షలుగా ఉన్నట్లు లాన్సెట్‌ ఓ అధ్యయన నివేదికలో వెల్లడించింది. 2040 కల్లా ఆ సంఖ్య కనిష్ఠంగా 1.35 కోట్ల నుంచి గరిష్ఠంగా 1.74 కోట్ల వరకు చేరుకునే ముప్పుందని తెలిపింది. టైప్‌-1 మధుమేహులు అత్యధికంగా ఉన్న 10 దేశాల్లో భారత్‌ కూడా ఒకటని పేర్కొంది. ఈ అధ్యయన నివేదిక ప్రకారం..

* 1.75 లక్షలు - టైప్‌-1 మధుమేహం కారణంగా గత ఏడాది ప్రాణాలు కోల్పోయినవారి సంఖ్య. మృతుల్లో 8,700 మంది దక్షిణాసియాకు చెందినవారు.

టైప్‌-1 మధుమేహ బాధితుల సంఖ్య (2021లో) - 84 లక్షలు

వారిలో 20 ఏళ్ల వయసులోపువారు - 18%

20-59 ఏళ్ల మధ్య వయసున్నవారు - 63%

60 ఏళ్లు, అంతకంటే ఎక్కువున్నవారు - 19%

‘టైప్‌-1’ ప్రబలంగా ఉన్న టాప్‌-10 దేశాలు

అమెరికా, భారత్‌, బ్రెజిల్‌, చైనా, జర్మనీ, బ్రిటన్‌, రష్యా, కెనడా, సౌదీ అరేబియా, స్పెయిన్‌

మొత్తం టైప్‌-1 మధుమేహ బాధితుల్లో 60% మంది ఈ పది దేశాల్లోనే ఉన్నారు.