నన్ను చంపేందుకు పన్నాగం

 మరియం నవాజ్‌పై ఇమ్రాన్‌ఖాన్‌ ఆరోపణ

లాహోర్‌: తనకు వ్యతిరేకంగా మత విద్వేషం ప్రచారం చేయడం ద్వారా ఎవరో ఒక మతోన్మాది ఉద్రేకం చెంది తనను హత్య చేసేవిధంగా సీనియర్‌ రాజకీయనేత మరియం నవాజ్‌ పన్నాగం పన్నుతున్నారని పాకిస్థాన్‌ మాజీ ప్రధానమంత్రి ఇమ్రాన్‌ఖాన్‌ సోమవారం ఆరోపించారు. మరో మాజీ ప్రధానమంత్రి నవాజ్‌ షరీఫ్‌ కుమార్తె మరియం షరీఫ్‌. ‘‘నేను చావుకు భయపడేది లేదు. ఎందుకంటే అది భగవంతుడు నిర్ణయించేది తప్ప మరొకరు నిర్దేశించేది కాదు’’ అని ఇమ్రాన్‌ వ్యాపారవేత్తల సమావేశంలో పేర్కొన్నారు. గత శనివారం జరిగిన మరో ర్యాలీలో కూడా తన హత్యకు కుట్ర జరుగుతోందంటూ మాజీ ప్రధాని చెప్పుకొచ్చారు.