అమెరికాలో భారతీయ కుటుంబం అపహరణ

కిడ్నాపర్‌ చెరలో 8 నెలల చిన్నారి సహా తల్లిదండ్రులు

లాస్‌ ఏజెలిస్‌: అమెరికాలోని కాలిఫోర్నియా రాష్ట్రం సెంట్రల్‌ వ్యాలీలో నివసిస్తున్న భారతీయ కుటుంబాన్ని ఓ దుండగుడు కిడ్నాప్‌ చేయడం కలకలం సృష్టించింది. జస్‌దీప్‌ సింగ్‌(36), జస్లీన్‌ కౌర్‌ (27) దంపతుల కుమార్తె ఎనిమిది నెలల ఆరూహీ ధేరీలతో పాటు జస్‌దీప్‌ బంధువు అమన్‌దీప్‌ సింగ్‌ (39)ను సోమవారం ఆగంతుకుడు కారులో అపహరించినట్లు మెర్సిడ్‌ కౌంటీ పోలీసులు తెలిపారు. శాంతి భద్రతలు పర్యవేక్షించే స్థానిక న్యాయాధికారి వెర్న్‌ వాంకీ.. అనుమానితుడి రెండు ఫొటోలు విడుదల చేశారు. నిందితుడు ఆయుధాలు కలిగి ఉండొచ్చని, బాధితులకు ముప్పు తలపెట్టే ప్రమాదముందని ఆందోళన వ్యక్తంచేశారు. కిడ్నాప్‌నకు కారణాలు ఇప్పుడే చెప్పలేమని, నిందితుడు సాక్ష్యాలు కూడా ధ్వంసం చేసే ప్రమాదముందని పేర్కొన్నారు.