మెట్లపై జారిపడ్డ పుతిన్‌

తీవ్ర అనారోగ్యంతో బాధపడుతున్నారంటూ వార్తలు

మాస్కో: రష్యా అధ్యక్షుడు వ్లాదిమిర్‌ పుతిన్‌ మాస్కోలోని తన అధికారిక నివాసంలో గతవారం మెట్ల మీద నుంచి జారిపడినట్లు తెలుస్తోంది. ఆయన ఐదు మెట్ల వరకు జారారని, ఆ అనూహ్య ఘటన సమయంలో అనియంత్రిత మలవిసర్జన జరిగిందని ఓ వార్తాసంస్థలో కథనం వెలువడింది. పుతిన్‌ ఉదర, పేగు క్యాన్సర్‌తో బాధపడుతుండటమే అనియంత్రిత మలవిసర్జనకు కారణమని అందులో పేర్కొన్నారు. ఈ పరిణామంతో- రష్యా అధ్యక్షుడు తీవ్ర అనారోగ్యంగా ఉన్నారంటూ మళ్లీ వార్తలు గుప్పుమంటున్నాయి. ఆయన చేతులు తరచూ వణుకుతున్నాయని, సరిగా నడవలేకపోతున్నారని, రక్త క్యాన్సర్‌తో బాధపడుతున్నారని ఇటీవల వార్తలొచ్చిన సంగతి గమనార్హం.