జోరు కొనసాగిస్తున్న నేపాలీ కాంగ్రెస్‌

కూటమి ఖాతాలో 85కు పెరిగిన సీట్ల సంఖ్య

కాఠ్‌మాండూ: నేపాల్‌ పార్లమెంటరీ ఎన్నికల్లో అధికార నేపాలీ కాంగ్రెస్‌ (ఎన్‌సీ) పార్టీ నేతృత్వంలోని కూటమి హవా కొనసాగుతోంది. మొత్తం 165 నియోజకవర్గాలకుగాను ఇప్పటివరకు 163 చోట్ల ఫలితాలు వెలువడ్డాయి. ఇందులో 85 సీట్లు ఎన్‌సీ కూటమి వశమయ్యాయి. వాటిలో ఎన్‌సీ వాటా 57. తాజాగా సయాంగ్జా-2 స్థానంలో ఆ పార్టీ అభ్యర్థే గెలుపొందారు. మరోవైపు ప్రతిపక్ష సీపీఎన్‌-యూఎంఎల్‌ పార్టీ నాయకత్వంలోని కూటమి ఇప్పటిదాకా 57 స్థానాల్లో విజయం సాధించింది. అందులో సీపీఎన్‌-యూఎంఎల్‌ వాటా 44. నేపాల్‌ ప్రతినిధుల సభలో మొత్తం 275 మంది ప్రతినిధులు ఉంటారు. వారిలో 165 మందిని మాత్రమే ప్రత్యక్ష ఓటింగ్‌ విధానంలో ఎన్నుకుంటారు.