తిరిగి కోరలు చాస్తున్న మలేరియా

గతేడాది ప్రపంచవ్యాప్తంగా 24.7 కోట్ల కేసులు

జెనీవా: కరోనా వైరస్‌ విజృంభణ మలేరియా వ్యాధి నియంత్రణకు అడ్డుతగిలింది. ఫలితంగా గత రెండేళ్లలో అదనంగా 63,000 మరణాలు సంభవించాయని, అదనంగా 1.3 కోట్ల మందికి మలేరియా సోకిందని ప్రపంచ ఆరోగ్య సంస్థ (డబ్ల్యూహెచ్‌వో) గురువారం తెలిపింది. 2020లో బాగా పెరిగిన మలేరియా కేసులు 2021లోనూ వృద్ధి చెందాయి. నిరుడు ప్రపంచవ్యాప్తంగా 24.7 కోట్ల మలేరియా కేసులు నమోదై, 6,19,000 మరణాలు సంభవించాయి. వాటిలో 95 శాతం ఒక్క ఆఫ్రికా ఖండంలోనే నమోదయ్యాయి. నిజానికి 2019కన్నా ముందే మలేరియాపై పోరాటం మందగించిందని బ్రిటిష్‌ నిపుణుడు క్రెయిగ్‌ చెప్పారు.