Pakistan: చైనీయులే లక్ష్యంగా పాక్‌లో బాంబు పేలుడు.. నలుగురి మృతి

కరాచి: పాకిస్థాన్‌లోని కరాచీలో బాంబు దాడి జరిగింది. ఈ ఘటనలో ఇద్దరు చైనీయులు సహా ఇద్దరు పాక్‌ వాసులు మృతిచెందగా మరో నలుగురు గాయపడ్డారు. యూనివర్సిటీలోని కన్ఫ్యూషియస్ ఇన్‌స్టిట్యూట్ వద్ద ఈ ఘటన చోటుచేసుకుంది. దుండగులు ఓ వ్యానులో బాంబు అమర్చగా అందులో ఉన్న ఇద్దరు చైనీయులు, పాక్‌కు చెందిన సెక్యూరిటీ గార్డు, డ్రైవర్‌ అక్కడికక్కడే మృతిచెందారు. పేలుడు సమయంలో వాహనం వద్ద ఉన్న మరో నలుగురు తీవ్రంగా గాయపడగా.. వారిలో ముగ్గురి పరిస్థితి విషమంగా ఉన్నట్లు స్థానిక వార్తాసంస్థ వెల్లడించింది.

చైనా వాసులే లక్ష్యంగా ఈ దాడి జరిగినట్లు సమాచారం. యూనివర్సిటీలోని ఐబీఏ ఇన్‌స్టిట్యూట్‌లో వారు చైనీస్‌ బోధించేవారు. ఈ ఘటనపై సీనియర్‌ పోలీసు అధికారి ముఖాదాస్‌ హైదర్‌ మాట్లాడుతూ దర్యాప్తు ప్రారంభించినట్లు తెలిపారు. రిమోట్‌ కంట్రోల్‌ ఆధారంగా బాంబు పేల్చినట్లు ప్రాథమికంగా తేలినట్టు పేర్కొన్నారు. దుండగుల కోసం గాలిస్తున్నట్లు వెల్లడించారు.

► Read latest World News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.