Sanna Marin: మరో వివాదంలో ఫిన్లాండ్‌ ప్రధాని.. డ్యాన్స్‌ వీడియో వైరల్‌!

ఫిన్లాండ్‌ ప్రధానమంత్రి సనా మారిన్‌(Sanna Marin) మరోసారి వివాదంలో చిక్కుకున్నారు. మిత్రులతో కలిసి పార్టీ చేసుకున్న సందర్భంలో కేరింతలు, డ్యాన్సులు చేసిన వీడియో వైరల్‌గా మారింది...

Published : 19 Aug 2022 02:24 IST

డ్రగ్స్‌ తీసుకోలేదని వివరణ

హెల్సింకి: ఫిన్లాండ్‌ ప్రధానమంత్రి సనా మారిన్‌(Sanna Marin) మరోసారి వివాదంలో చిక్కుకున్నారు. మిత్రులతో కలిసి పార్టీ చేసుకున్న సందర్భంలో కేరింతలు, జోరుగా నృత్యాలు చేసిన వీడియో వైరల్‌గా మారింది. దీన్ని తీవ్రంగా పరిగణించిన అక్కడి ప్రతిపక్షాలు.. ఆమె డ్రగ్స్‌ తీసుకొని ఉండొచ్చని ఆరోపిస్తున్నాయి. దీంతో స్పందించిన ప్రధాని (Finland Prime Minister).. తాను ఎటువంటి మాదకద్రవ్యాలు తీసుకోలేదని స్పష్టం చేశారు. కేవలం మిత్రులతో ప్రైవేట్‌ పార్టీ(Sanna Marin Party) సందర్భంగా ఆనందంతో నృత్యాలు చేసినట్టు వివరణ ఇచ్చారు.

ప్రధానమంత్రి సనా మారిన్‌ (Sanna Marin)తో సహా ఆరుగురు మహిళలు డ్యాన్స్‌లు చేస్తోన్న వీడియో సోషల్‌ మీడియాలో వైరల్‌గా మారింది. అందులో నేలపై మోకాళ్లపై కూర్చొని సనా మారిన్‌ ఓ పాటకు డ్యాన్స్‌ చేస్తున్నట్లు కనిపించారు. దీనిపై స్పందించిన ప్రతిపక్ష నేతలు.. ఆమె డ్రగ్స్‌ తీసుకున్నారేమోనని అనుమానాలు వ్యక్తం చేశారు. అంతేకాకుండా ఆమెకు డ్రగ్‌ టెస్టు నిర్వహించాలని డిమాండ్‌ చేస్తున్నారు. ఇలా తనపై వచ్చిన ఆరోపణలపై ఆమె వివరణ ఇచ్చారు. ఆ వీడియో లీక్‌ కావడం దురదృష్టకరమని వ్యాఖ్యానిస్తూ.. తాను ఏ తప్పూ చేయలేదన్నారు.

‘ఓ రోజు సాయంత్రం మిత్రులందరం కలిసి పార్టీ చేసుకున్నాం. ఆ సందర్భంగా డ్యాన్సులు, పాటలు పాడటం వాస్తవమే. ప్రైవేటుగా చేసుకున్న ఆ పార్టీ వీడియో లీక్‌ కావడం దురదృష్టకరం. కేవలం ఆల్కహాల్‌ తప్ప ఎటువంటి డ్రగ్స్‌ తీసుకోలేదు. మేం చేసినవన్నీ చట్టానికి లోబడినవే. ఎలాంటి తప్పూ చేయలేదు’ అంటూ వివరణ ఇచ్చారు.


Read latest World News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని