Updated : 12 May 2022 17:17 IST

Shocking incident: బతికున్న వ్యక్తిని చనిపోయాడనుకొని..!

షాంఘై: కరోనా వైరస్‌ కల్లోలంతో విలవిల్లాడుతున్న చైనాలో షాకింగ్ ఘటన చోటుచేసుకుంది. షాంఘైలోని వృద్ధుల సంరక్షణ కేంద్రంలో ఓ సీనియర్‌ సిటిజన్‌ చనిపోయాడని పొరపాటు పడిన సిబ్బంది.. అతడు సజీవంగా ఉండగానే ఓ బ్యాగ్‌లో ప్యాక్‌ చేసి మార్చురీకి తరలించిన ఉదంతం సామాజిక మాధ్యమాల్లో వైరల్‌గా మారింది. షాంఘైలో కొవిడ్‌ ఉద్ధృతితో నెల రోజులకు పైగా కొనసాగుతున్న కఠిన లాక్‌డౌన్‌పై అక్కడి జనం నుంచి తీవ్ర విమర్శలు వస్తున్న వేళ ఈ దిగ్భ్రాంతికర ఘటన వెలుగుచూడటం గమనార్హం. వృద్ధుడి బాడీని ఓ పసుపు రంగు బ్యాగ్‌లో ప్యాక్‌ చేసి పుటువో జిల్లాలో షాంఘై జిన్‌చాంగ్‌జెంగ్‌ వెల్ఫేర్‌ హాస్పిటల్‌కి తీసుకు రాగా.. దాన్ని ఇద్దరు సిబ్బంది పరిశీలిస్తున్నట్టుగా ఉన్న వీడియోలు చైనా సామాజిక మాధ్యమాల్లో చక్కర్లు కొడుతున్నాయి. ఆ ఆస్పత్రి బయట రక్షిత దుస్తుల్లో ఉన్న ఇద్దరు సిబ్బందిలో ఒకరు ఆ బ్యాగ్‌ని తెరిచి చూసి.. వృద్ధుడు ఇంకా ప్రాణాలతోనే ఉన్నాడని చెప్పినట్టుగా వీడియోలో రికార్డయిందని అక్కడి మీడియా పేర్కొంది.

అయితే, నిరసనలకు భయపడిన సిబ్బంది.. ఆ రోగి ఊపిరి పీల్చుకుంటాడేమోనని బ్యాగ్‌ను సీల్‌ చేయడం, ఆ వృద్ధుడిని తిరిగి సంరక్షణ కేంద్రానికి తీసుకెళ్లే ముందు తెల్లని షూట్‌లో ఉన్న మరో ఇద్దరితో మాట్లాడటం వంటి దృశ్యాలు వీడియోలో రికార్డయ్యాయి. మరోవైపు, ఈ ఘటనపై దర్యాప్తునకు టాస్క్‌ఫోర్స్‌ ఏర్పాటు చేసినట్టు స్థానిక అధికారులు వెల్లడించారు. ఈ తప్పునకు బాధ్యులను గుర్తించి వారిపై కఠిన చర్యలు తీసుకుంటామన్నారు. ప్రస్తుతం ఆస్పత్రిలో చికిత్సపొందుతున్న ఆ వృద్ధుడి ఆరోగ్య పరిస్థితి నిలకడగానే ఉందని అధికారులు తెలిపారు. షాంఘైలో 1983లో ఏర్పాటు చేసిన ఈ వృద్ధుల సంరక్షణ కేంద్రంలో దాదాపు 100 మందికి పైగా సీనియర్‌ సిటిజన్లు ఉంటున్నారు. ఈ ఘటనపై వృద్ధుల కేర్‌ సెంటర్‌ యాజమాన్యం క్షమాపణలు కోరింది.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని