Nasa: తొలిసారి ఆస్ట్రేలియా వాణిజ్య స్పేస్‌ పోర్టును వాడిన నాసా

ఇంటర్నెట్‌డెస్క్‌: నాసా చరిత్రలో తొలిసారి అమెరికా బయట ఒక వాణిజ్య స్పేస్‌ పోర్టు నుంచి రాకెట్‌ ప్రయోగం నిర్వహించింది. ఆస్ట్రేలియా చరిత్రలో తొలి వాణిజ్య అంతరిక్ష ప్రయోగం కూడా ఇదే. నులున్‌బై ప్రాంతంలోని ధుపుమ పీఠభూమిపై ఏర్పాటు ఏర్పాటు చేసిన అర్న్‌హెమ్‌ స్పేస్‌ సెంటర్‌లో ఇది జరిగింది. ఈ ప్రయోగం ద్వారా నక్షత్రాల వెలుగు గ్రహాల నివాసయోగ్యత ఏమేరకు ప్రభావం చూపిస్తుందో అధ్యయనం చేసేందుకు నిర్వహించారు.

ఈ రాకెట్‌ ఎక్స్‌రే క్వాంటమ్‌ కేలరీ మీటర్‌ను అంతరిక్షంలోకి తీసుకెళ్లింది. దీని సాయంతో మిషిగాన్‌ విశ్వవిద్యాలయంలోని పరిశోధకులు నక్షత్రాల మధ్య ఎక్స్‌ కిరణాలను అత్యంత కచ్చితత్వంతో అధ్యయనం చేస్తారు. వీటి నుంచి సేకరించిన సమాచారం ఆధారం విశ్వం పుట్టుకను తెలుసుకొనే యత్నం చేస్తారు.

ఈ ప్రయోగం కోసం 75 మంది నాసా సిబ్బంది అర్న్‌హెమ్‌ అంతరిక్ష కేంద్రానికి చేరుకొన్నారు. నాసా చివరిసారిగా 1995లో ఆస్ట్రేలియా నుంచి రాకెట్‌ను ప్రయోగించింది. ఈ ప్రయోగం అప్పట్లో దక్షిణ ఆస్ట్రేలియాలోని రాయల్‌ ఆస్ట్రేలియన్‌ ఎయిర్‌ ఫోర్స్‌కు చెందిన వూమెరా రేంజి కాంప్లెక్స్‌ నుంచి జరిగింది.

► Read latest World News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.