Published : 16 Apr 2022 02:05 IST

Imran Khan: పాక్‌లో అణ్వస్త్రాలు సురక్షితంగా లేవు : ఇమ్రాన్‌ ఖాన్‌ ఆందోళన

ఇంటర్నెట్‌డెస్క్‌: పాకిస్థాన్‌ మాజీ ప్రధాని ఇమ్రాన్‌ఖాన్ అక్కడి సైన్యాన్ని, ప్రభుత్వాన్ని లక్ష్యంగా చేసుకొని తీవ్ర విమర్శలు చేస్తున్నారు. బుధవారం జరిగిన ఓ సభలో ఇమ్రాన్‌ మాట్లాడుతూ.. పాకిస్థాన్‌లో అణ్వాయుధాలు దొంగలు, దోపిడీదారుల చేతిలో సురక్షితంగా లేవని పేర్కొనారు. ఆయన కొత్త ప్రధాని షాబాజ్‌ షరీఫ్‌ను ఉద్దేశించి ఈ వ్యాఖ్యలు చేశారు. సైన్యం కుట్రపూరితంగా అధికారంలోకి తెచ్చిన వారు దేశ అణుకార్యక్రమాన్ని రక్షించగలరా? అని ప్రశ్నించారు. తనను పదవి నుంచి తప్పించడాన్ని ఓ విదేశీ కుట్రగా అభివర్ణించారు. అమెరికా బానిసలు, జర్దారీలు, షరీఫ్‌లకు అలవాటు పడిందని ఎద్దేవా చేశారు. అనంతరం తన కార్యక్రమానికి హాజరైన వారికి ఇమ్రాన్‌ ధన్యవాదాలు తెలిపారు. 

ఇమ్రాన్‌ వ్యాఖ్యలపై సైన్యం మండిపడింది. ఆ మర్నాడే డీజీఐఎస్‌పీఆర్‌ మేజర్‌ జనరల్‌ బాబర్‌ ఇఫ్తికార్‌ మాట్లాడుతూ ఖాన్‌ ఆరోపణలను తోసిపుచ్చారు. పాక్‌ అణ్వాయుధాలు ఏ ఒక్కరి సొత్తు కాదని వ్యాఖ్యానించారు. పాక్‌ అణ్వాయుధ కమాండ్‌, కంట్రోల్‌ వ్యవస్థ ప్రపంచంలోనే అత్యంత సురక్షితమైందని వెల్లడించారు.

పీటీఐ సభ్యులను ప్రతిపక్ష నాయకుడిగా నియమించొద్దు..!

పాకిస్థాన్‌ తెహ్రీక్‌ ఈ ఇన్సాఫ్‌ పార్టీ నుంచి ఎవరినీ ప్రతిపక్ష నాయకుడిగా నియమించవద్దని మాజీ ప్రధాని ఇమ్రాన్‌ ఖాన్‌ ఎన్నికల సంఘానికి లేఖ రాశారు. ఈ విషయాన్ని పాక్‌ స్థానిక పత్రికలు వెల్లడించాయి. ఏప్రిల్‌ 10వ తేదీన ఇమ్రాన్‌ ఖాన్‌ను ప్రధాని పదవి నుంచి తొలగించిన సంగతి తెలిసిందే. పాక్‌ చరిత్రలో ప్రధాని పదవి నుంచి ఓటింగ్‌ ద్వారా తొలగించిన తొలి వ్యక్తిగా ఇమ్రాన్‌ నిలిచారు.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని