Published : 09 Aug 2022 01:44 IST

Qantas: మేనేజర్లు, ఎగ్జిక్యూటీవ్‌లు.. బ్యాగేజ్‌ వద్ద పనిచేయండి..!

ఇంటర్నెట్‌డెస్క్‌: ఆస్ట్రేలియాకు చెందిన క్వాంటాస్‌ ఎయిర్‌లైన్స్‌ సంస్థ వినూత్న నిర్ణయం తీసుకొంది. సిబ్బంది కొరత తీవ్రంగా ఉండటంతో సంస్థలోని సీనియర్‌ ఎగ్జిక్యూటీవ్‌లు, మేనేజర్లను మూడు నెలల పాటు బ్యాగేజీ హ్యాండిలర్స్‌గా పనిచేయాలని ఆదేశించింది. సిడ్నీ, మెల్బోర్న్‌ ఎయిర్‌ పోర్టుల్లో సిబ్బంది కొరత తీవ్రంగా ఉండటంతో 100 సహాయకుల కోసం సంస్థ ఆపరేషన్స్‌ హెడ్‌ ప్రయత్నిస్తున్నారు. తాజాగా సంస్థ సీనియర్‌ ఎగ్జిక్యూటీవ్‌లు బ్యాగుల లోడింగ్‌, అన్‌లోడింగ్‌తో పాటు లగేజీని తరలించే వాహనాలను కూడా నడపాల్సి ఉంటుంది. ఇటీవల ఆస్ట్రేలియా విదేశీ ప్రయాణాలను సరళతరం చేయడంతో పెరిగిన రద్దీని తట్టుకొనేందుకు అవసరమైన సిబ్బంది లేక ఈ విమానయాన సంస్థ అవస్థలు పడుతోంది. 

‘‘ఓ పక్క వింటర్‌ ఫ్లూ, కొవిడ్‌ కేసులు పెరిగాయి. దీనికి తోడు మార్కెట్‌లో లేబర్‌ కొరత తీవ్రంగా ఉంది. ప్రస్తుతం వనరుల కొరత ఓ సవాలుగా మారింది’’ అని సంస్థ చీఫ్‌ ఆపరేటింగ్‌ ఆఫీసర్‌ కొలిన్‌ హూగెస్‌ పేర్కొన్నారు. ఈ నేపథ్యంలో క్వాంటాస్‌లోని మేనేజర్లు, ఎగ్జిక్యూటీవ్‌లను వారంలో మూడు లేదా ఐదు రోజులపాటు బ్యాగేజీ హ్యాండిలింగ్‌ విభాగంలో పనిచేయాలని కోరారు. రోజుకు నాలుగు గంటలు పనిచేయాలా.. లేదా ఆరు గంటలు పనిచేయాలా..? అని వారే నిర్ణయించుకొంటారు. గతంలో కూడా క్వాంటస్‌ ఆఫీస్‌ ఎగ్జిక్యూటీవ్‌లతో ఈ విధంగా పనిచేయించింది. ఈస్టర్‌ పండుగ సమయంలో ప్రధాన కార్యాలయలంలోని 200 మంది సిబ్బంది ఎయిర్‌ పోర్టుల్లో పనిచేశారు. ఆస్ట్రేలియా సుదీర్ఘకాలం  సరిహద్దులను మూసివేయడంతో దెబ్బతిన్న విమానయాన సంస్థల్లో క్వాంటాస్‌ కూడా ఉంది. చాలా మంది గ్రౌండ్‌ స్టాఫ్‌ను తొలగించింది. 2020 నవంబర్‌లో ఆర్థిక నష్టాలను తగ్గించుకోవడానికి వేల మంది శాశ్వత సిబ్బందిని విధుల నుంచి తొలగించింది. ఆ స్థానంలో 2,000 మంది ఔట్‌సోర్సింగ్‌ సిబ్బందిని విధుల్లోకి తీసుకొంది. ఈ క్రమంలో బ్యాగేజీ సేవల్లో తీవ్ర జాప్యం చోటు చేసుకోవడంతో సంస్థ క్షమాపణలు చెప్పాల్సి వచ్చింది. 

Read latest World News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని