Watch: రోబో గిన్నిస్‌ వరల్డ్‌ రికార్డు.. 24.73 సెకన్లలో 100మీటర్లు పరుగు!

అమెరికాలోని ఓరెగాన్‌ స్టేట్‌ యూనివర్సిటీ (ఓఎస్‌యూ) అభివృద్ధి చేసిన ఓ రోబో(Bipedal robot) గిన్నిస్‌ వరల్డ్‌ రికార్డులో చోటు దక్కించుకుంది. అచ్చం......

Published : 29 Sep 2022 01:29 IST

వాషింగ్టన్‌: అమెరికాలోని ఓరెగాన్‌ స్టేట్‌ యూనివర్సిటీ (ఓఎస్‌యూ) అభివృద్ధి చేసిన ఓ రోబో(Bipedal robot) గిన్నిస్‌ వరల్డ్‌ రికార్డులో చోటు దక్కించుకుంది. అచ్చం మనిషిలాగే రన్నింగ్‌ రేసులో 100 మీటర్ల దూరాన్ని కేవలం 24.73 సెకెన్లలోనే  చేరుకుని ఈ ఘనత సాధించింది.  మెకనైజ్డ్ స్ప్రింటర్ కాస్సీ బైపెడల్ రోబో 100 మీటర్ల రన్నింగ్‌ రేసును వేగంగా పూర్తి చేయడం ద్వారా ఈ రికార్డు సృష్టించినట్టు ఓఎస్‌యూ ..ఓ ప్రకటనలో వెల్లడించింది. ఈ ఏడాది మే నెలలో యూనివర్సిటీ వైట్ ట్రాక్ అండ్ ఫీల్డ్ సెంటర్‌లో నిర్వహించిన ఈ పరుగు పందెంలో కాస్సీ ఎక్కడా కిందపడకుండా  కేవలం 24.73 సెకెన్లలోనే 100 మీటర్ల రేస్‌ను పూర్తి చేసిందని వర్సిటీ అధికారులు తెలిపారు. అయితే, రోబోకు ఎక్కడా కెమెరాలు, బాహ్య సెన్సార్లు అమర్చలేదన్నారు.  ఆస్ట్రిచ్‌ పక్షిలాగే మోకాలు వంగి ఉంటుందని  పేర్కొన్నారు.

గతేడాది నిర్వహించిన పరుగు పందెంలోనూ కాస్సీ 53 నిమిషాల్లో 5కి.మీలు పరిగెత్తడం విశేషం. డిఫెన్స్‌ అడ్వాన్స్‌డ్‌ రీసెర్చి ప్రాజెక్ట్స్‌ ఏజెన్సీ (DARPA) అందించిన 1మిలియన్‌ డాలర్ల గ్రాంటుతో ఈ రోబోను ఓరెగాన్‌ స్టేట్‌ రోబోటిక్స్‌ ప్రొఫెసర్‌ జోనాథన్‌ హారస్ట్‌ ఆధ్వర్యంలో అభివృద్ధి చేసినట్టు ఓఎస్‌యూ తెలిపింది. ఈ వరల్డ్‌ రికార్డు సాధించేందుకు తగిన అవగాహన కోసం గత కొన్నేళ్లుగా 5కె, మెట్లు ఎక్కడం, దిగడం వంటివి చేపట్టినట్టు గ్రాడ్యుయేట్‌ విద్యార్థి డెవిన్‌ క్రోవ్‌లీ తెలిపారు. లోకోమోషన్‌ రోబోట్‌ లెర్నింగ్‌లో కాస్సీ ఓ మార్గదర్శకంగా నిలుస్తుందన్నారు.


Read latest World News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని