Breaking | Feedback | ePratibha | E-PAPER | Pratibha

Rupert Murdoch: 91 ఏళ్ల రూపర్ట్‌ మర్దోక్‌కి నాలుగోసారి విడాకులు.. వార్త వైరల్‌

ప్రపంచ మీడియా మొఘల్, 91 ఏళ్ల రూపర్ట్ మర్దోక్‌ నాలుగోసారి విడాకులు తీసుకుంటున్నారని తెలుస్తోంది. నటి జెర్రీ హాల్‌ నుంచి విడిపోనున్నట్లు వార్తలు వస్తున్నాయి. ఇరువురి సన్నిహితులు వెల్లడించిన వివరాల ఆధారంగా న్యూయార్స్‌ టైమ్స్ ఈ కథనాన్ని వెలువరించింది.

Published : 23 Jun 2022 13:57 IST

వాషింగ్టన్‌: ప్రపంచ మీడియా మొఘల్‌గా పిలుచుకునే 91 ఏళ్ల రూపర్ట్ మర్దోక్‌ మరోసారి విడాకులు తీసుకుంటున్నారని తెలుస్తోంది. ఇది ఆయనకు నాలుగో విడాకులు కావడం గమనార్హం. నటి జెర్రీ హాల్‌ నుంచి ఆయన విడిపోనున్నట్లు వార్తలు వస్తున్నాయి. ఇరువురి సన్నిహితులు వెల్లడించిన వివరాల ఆధారంగా న్యూయార్స్‌ టైమ్స్ ఈ మేరకు ఓ కథనాన్ని ప్రచురించింది.

న్యూస్‌కార్ప్ ఎగ్జిక్యూటివ్ ఛైర్మన్, బిలియనీర్ అయిన మర్దోక్ 2016లో జెర్రీ హాల్‌ (65)ను వివాహం చేసుకున్నారు. తన కంటే 25 ఏళ్లు చిన్నదైన హాల్‌.. ప్రముఖ అమెరికన్ నటి, మోడల్‌. అయితే, వీరి విడాకుల వార్తలపై స్పందించడానికి ఇరువురి ప్రతినిధులు నిరాకరించగా, వారి సన్నిహితులు మాత్రం ఆశ్చర్యం వ్యక్తం చేస్తున్నారని అంతర్జాతీయ మీడియాలో కథనాలు వస్తున్నాయి. మర్దోక్‌ ఇప్పటికే పాట్రిషియా బుకర్‌, అన్నా మరియా మన్‌, వెండీ డెంగ్‌తో విడిపోయారు.

మర్దోక్‌ తన రెండో భార్య మన్‌ నుంచి విడిపోతున్నప్పుడు చెల్లించిన భరణం అత్యంత ఖరీదైన భరణాల్లో ఒకటి. ఆ సమయంలో ఆమెకు 1.7 బిలియన్‌ డాలర్ల ఆస్తి ఇచ్చినట్లు సమాచారం. ప్రపంచవ్యాప్తంగా విశాలమైన మీడియా సామ్రాజ్యాన్ని నిర్మించిన మర్దోక్ ఆస్తుల నికర విలువ 17.7 బిలియన్ల డాలర్లుగా ఫోర్బ్స్‌ ఇటీవల లెక్కకట్టింది.

► Read latest World News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.