Ukraine Crisis: ఉక్రెయిన్‌లో రష్యా తాత్కాలిక కాల్పుల విరమణ..

మాస్కో : ఉక్రెయిన్‌లో రష్యా తాత్కాలిక కాల్పుల విరమణ ప్రకటించింది. పౌరులను తరలించేందుకు అవకాశం కల్పించింది. ఉక్రెయిన్‌లోని మరియుపొల్, వోల్నవోఖ్‌ నగరాల్లో పౌరులను సురక్షితంగా తరలించేందుకు ఈ నిర్ణయం తీసుకున్నట్లు రష్యా రక్షణ శాఖ వెల్లడించింది. హ్యూమన్‌ కారిడార్‌ కోసం ఈ మేరకు తాత్కాలికంగా కాల్పులను విరమిస్తున్నట్లు ప్రకటించింది. మాస్కో కాలమానం ప్రకారం ఉదయం 10 గంటల నుంచి తమ దళాలు కాల్పులను నిలిపేస్తాయని వెల్లడించింది.

వోల్నవోఖ్‌, మరియుపోల్‌ను రష్యా సేనలు ఇప్పటికే ముట్టడించాయి. ఇతర దేశాల నుంచి వస్తోన్న ఒత్తిడి కారణంగా రష్యా ఈ కాల్పుల విరమణ నిర్ణయం తీసుకున్నట్లు తెలుస్తోంది.