Published : 12 Apr 2022 19:29 IST

UkraineCrisis: జీపీఎస్‌ సిగ్నల్స్‌ను జామ్‌ చేస్తోన్న రష్యా..!

ఇంటర్నెట్‌డెస్క్‌: ఉక్రెయిన్‌ సేనలకు అమెరికా నుంచి అందుతున్న జీపీఎస్‌ సిగ్నల్స్‌ను రష్యా దళాలు బ్లాక్‌ చేస్తున్నాయి. ఈ విషయాన్ని అమెరికా స్పేస్‌ఫోర్స్‌కు చెందిన జనరల్‌ డేవిడ్‌ థాంప్సన్‌ ధ్రువీకరించారు. మరోపక్క ఫిన్లాండ్‌లోని వాణిజ్య విమానాలకు కూడా జీపీఎస్‌ వినియోగంలో సమస్యలు తలెత్తుతున్నట్లు ఐరోపా సమాఖ్య అధికారులు ఆరోపిస్తున్నారు. నల్లసముద్రంలో కూడా జీపీఎస్‌ వినియోగం కష్టంగా మారింది. 

రష్యా జీపీఎస్‌ను జామ్‌ చేస్తున్నట్లు హాక్‌ఐ360 అనే రేడియో ఫ్రీక్వెన్సీ విశ్లేషణ సంస్థ గత నెలలోకూడా వెల్లడించింది.  నవంబర్‌లో డాన్‌బాస్‌ ప్రాంతంలో ఉక్రెయిన్‌ డ్రోన్లకు జీపీఎస్‌ సంకేతాలు అందకుండా చర్యలు తీసుకొందని ఈ సంస్థ వెల్లడించింది. తాజాగా అమెరికా నుంచి కొనుగోలు చేసిన స్విచ్‌బ్లేడ్‌, ప్యూమా డ్రోన్లను ఉక్రెయిన్‌ వినియోగిస్తోంది. ఇవి జీపీఎస్‌తో సమన్వయం చేసుకొంటూ లక్ష్యాలపై దాడులు చేస్తాయి. అమెరికా ఉపగ్రహాల నుంచి ప్రసారమయ్యే జీపీఎస్‌ సిగ్నల్స్‌ను అడ్డుకొనే పరికరాలు రష్యా వద్ద ఉన్నాయి. అమెరికన్‌ టెక్నాలజీపై ఆధిపత్యం చూపించేందుకు రష్యా ఈ విధంగా చేస్తోందని పశ్చిమ దేశాల సైనిక నిపుణులు భావిస్తున్నారు.

Read latest World News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts