Published : 15 Mar 2022 10:29 IST

Ukraine Crisis: ఉక్రెయిన్‌పై రష్యా యుద్ధానికి 10 రోజుల్లో క్లైమాక్స్‌..!

క్రెమ్లిన్‌ వద్ద నిండుకుంటున్న ఆయుధాలు, సైనిక శక్తి

ఇంటర్నెట్‌ డెస్క్‌: సైనిక చర్య పేరుతో ఉక్రెయిన్‌పై రష్యా సాగిస్తోన్న దండయాత్ర 20వ రోజుకు చేరింది. తొలుత సైనిక స్థావరాలు లక్ష్యంగా దాడులకు దిగిన క్రెమ్లిన్‌.. ఆ తర్వాత జనావాసాలపైనా విరుచుకుపడింది. క్షిపణులు, రాకెట్లతో విధ్వంసం సృష్టిస్తోంది. ప్రపంచ దేశాలు ఎన్ని ఆంక్షలు విధిస్తున్నా.. రష్యా మాత్రం వెనక్కి తగ్గట్లేదు. అయితే ఈ యుద్ధం మరో 10 రోజుల్లో క్లైమాక్స్‌కు చేరే అవకాశముందంట. వనరుల కొరతతో రష్యా సేనలు దాడులను విరమించుకునే పరిస్థితి రానుందని అమెరికా మాజీ కమాండర్‌ ఒకరు అంచనా వేశారు. 

యునైటెడ్‌ స్టేట్స్‌ ఆర్మీ యూరప్‌ మాజీ కమాండింగ్‌ జనరల్‌ లెఫ్టినెంట్‌ జనరల్‌ బెన్‌ హోగ్స్‌ ఓ మీడియా సంస్థతో మాట్లాడుతూ ఈ వ్యాఖ్యలు చేశారు. ‘‘నాటో భూభాగంపై రష్యా దాడులకు దిగుతామని హెచ్చరిస్తే భయపడాల్సిన అవసరం లేదు. ఎందుకంటే మరో 10 రోజుల్లో రష్యా యుద్ధం ముగింపునకు చేరే అవకాశముంది. ఉక్రెయిన్‌పై దాడులు సాగించేందుకు రష్యా వద్ద ఉన్న ఆయుధాలు, సైనిక శక్తి మరో పదిరోజులకు మాత్రమే సరిపోతాయి. ఆ తర్వాత వనరుల కొరతతో రష్యా ఈ దాడులను ఆపేస్తుంది’’ అని లెఫ్టినెంట్‌ జనరల్ బెన్‌ హోగ్స్‌ అభిప్రాయం వ్యక్తం చేశారు. 

మరికొందరు నిపుణులు కూడా ఇదే అభిప్రాయాన్ని వ్యక్తపరుస్తున్నారు. ఈ యుద్ధంలో రష్యా వేలాది మంది సైనికులు, పెద్ద ఎత్తున ఆయుధ సామగ్రిని కోల్పోవాల్సి వచ్చిందని, ఫలితంగా మరికొద్ది రోజుల్లో యుద్ధం ముగిసే అవకాశముందని చెబుతున్నారు. ఇప్పటికే ఉక్రెయిన్‌ రాజధాని కీవ్‌కు బయల్దేరిన రష్యా భారీ సాయుధ కాన్వాయ్‌ కన్పించకుండా పోయిందని ఇటీవల కొన్ని అంతర్జాతీయ మీడియా కథనాలు పేర్కొన్న విషయం తెలిసిందే. ఇంధన కొరతతో ఆ కాన్వాయ్‌ వెనుదిరిగినట్లు కొన్ని మీడియా సంస్థలు తెలిపాయి. మరోవైపు యుద్ధంలో అనుకున్నంత వేగంగా వెళ్లలేకపోతున్నామని రష్యా నేషనల్‌ గార్డ్‌ అధిపతి విక్టర్‌ జొలొతొవ్‌ కూడా ఇటీవల వ్యాఖ్యలు చేశారు.

Read latest World News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని