Published : 14 Aug 2022 02:39 IST

Salman Rushdie: ఏంటీ సెక్యూరిటీ.. నేను అడిగానా..? అని గతంలో రష్దీ అనేవారు...

న్యూయార్క్‌: దుండగుడి దాడిలో తీవ్ర గాయాలపాలైన ప్రముఖ రచయిత సల్మాన్ రష్దీ తన చుట్టూ ఉండే రక్షణ చూసి అసహనంగా ఉండేవారు. 2001లో ఒకసారి బహిరంగంగానే దానిపై అసంతృప్తి వ్యక్తం చేశారని అంతర్జాతీయ మీడియా కథనం పేర్కొంది.  

‘ఇక్కడ నా చుట్టూ భారీస్థాయిలో ఉన్న రక్షణ వలయాన్ని చూసి నాకు చాలా ఇబ్బందిగా అనిపించింది. ఇది చాలా ఎక్కువగా ఉంది. నిజానికి ఇది అనవసరమని నా అభిప్రాయం. ఇదంతా నా అభ్యర్థన మేరకు ఏర్పాటు చేసింది కాదు. ఇక్కడకు వచ్చేముందు నేనేమి దీన్ని కోరుకోలేదు. కానీ ఈ ఏర్పాటంతా నాకు ఆశ్చర్యాన్ని కలిగించింది’ అంటూ ఆ వేళ రష్దీ వ్యాఖ్యానించారు. ఇదిలా ఉండగా.. ప్రతిష్ఠాత్మక బుకర్‌ ప్రైజ్‌ విజేత అయిన ఆయనపై జరిగిన దాడి ప్రపంచాన్ని దిగ్భ్రాంతికి గురిచేసింది. ప్రస్తుతం ఆయన వెంటిలేటర్‌పై చికిత్స పొందుతున్నారు. ఈ దాడి వల్ల ఆయన ఒక కన్ను కోల్పోయే ప్రమాదం ఉందని తెలుస్తోంది. అలాగే ఆయన కాలేయం తీవ్రంగా దెబ్బతిందని సన్నిహితుడొకరు మీడియాకు వెల్లడించారు. అందరూ చూస్తుండగానే వేదికపైకి దూసుకొచ్చి కత్తితో రచయితపై దాడి చేసిన దుండగుడు ప్రస్తుతం పోలీసుల అదుపులో ఉన్నాడు. పేరు హాది మతార్‌ అని, న్యూజెర్సీకి చెందిన వ్యక్తి అని గుర్తించారు.

Read latest World News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని