Published : 01 May 2022 14:45 IST

pakistan: నా మాజీ భార్య .. వారు చెప్పినట్లు ఆడుతోంది..

 షరీఫ్‌ కుటుంబంపై ఇమ్రాన్‌ ఆరోపణలు

ఇంటర్నెట్‌డెస్క్‌: పాక్‌ మాజీ ప్రధాని ఇమ్రాన్‌ ఖాన్‌ తన మాజీ భార్య రేహమ్‌ ఖాన్‌పై తీవ్ర విమర్శలు చేశారు. ఆమె షరీఫ్‌ కుటుంబం చెప్పినట్లు ఆడుతున్నారని ఆరోపించారు. 2018 ఎన్నికల సమయంలో తనకు వ్యతిరేకంగా పుస్తకం రాసేలా రేహమ్‌ఖాన్‌కు నవాజ్‌ షరీఫ్‌ కుటుంబం సొమ్ములు చెల్లించిందని పేర్కొన్నారు. ముల్తాన్‌లోని ఓ సభలో మాట్లాడుతూ ఇమ్రాన్‌ ఈ వ్యాఖ్యలు చేశారు. తాజాగా మరోసారి తన వ్యక్తిత్వాన్ని దెబ్బతీసేందుకు వారు ఏదో ఒకటి విడుదల చేస్తారని ఆరోపించారు. 2018లో రేహమ్‌ ఖాన్‌ పుస్తకం ప్రచురించాక తొలిసారి ఇమ్రాన్‌ దానిపై ఆరోపణలు చేశారు. ‘‘కొందరు ఉన్నారు.. వారు నాకు వ్యతిరేకంగా పుస్తకం రాసేందుకు ఓ మహిళకు సొమ్ములు చెల్లించారు. వారు మరోసారి నా వ్యక్తిత్వాన్ని దెబ్బతీయాలని చూస్తున్నారు. నేను వారికి ఒకటి చెప్పదలుచుకొన్నా. నా కంఠంలో ప్రాణం ఉన్నన్నాళ్లూ పోరాడుతాను’’ అని పేర్కొన్నారు. 

తన తొలి భార్య జమైమా గోల్డ్‌ స్మిత్‌ విషయాన్ని కూడా ఇమ్రాన్‌ ప్రస్తావించారు. షరీఫ్‌ మనుషులు ఆమెను యూదు లాబీ వ్యక్తిగా చిత్రీకరించారని ఇమ్రాన్‌ చెప్పారు. షాబాజ్‌ షరీఫ్‌ పంజాబ్‌ ప్రావిన్స్‌ గవర్నర్‌గా ఉన్న సమయంలో చాలా ఎన్‌కౌంటర్లకు ఆదేశాలు జారీ చేశారని ఆరోపించారు. షాబాజ్‌ ప్రభుత్వాన్ని ‘ఇంపోర్టెడ్‌ గవర్నమెంట్‌’తో పోలుస్తూ తాను చేసిన ఆరోపణలకు ప్రజలు మద్దతు ఇవ్వాలని కోరారు. విదేశీ శక్తులు అవినీతి ప్రభుత్వాలను పాక్‌ ప్రజలపై రుద్దుతున్నాయని పేర్కొన్నారు. ఇస్లామాబాద్‌లో  20 లక్షల మందితో  సభ ఏర్పాటుచేసి ఎన్నికలకు డిమాండ్‌ చేసే పనిలో ఉన్నట్లు వెల్లడించారు.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts