Published : 14 May 2022 18:42 IST

UAE President: యూఏఈ అధ్యక్షుడిగా షేక్‌ అల్‌ నహ్యాన్‌

దుబాయ్: యునైటెడ్‌ అరబ్‌ ఎమిరేట్స్‌ (యూఏఈ) ఆపద్ధర్మ అధ్యక్షుడిగా కొనసాగుతున్న షేక్‌ మహమ్మద్‌ బిన్‌ జాయేద్‌ అల్‌ నహ్యాన్‌ పూర్తిస్థాయి అధ్యక్షుడిగా నియమితులయ్యారు. ఇప్పటివరకు అధ్యక్షుడిగా కొనసాగిన షేక్‌ ఖలీఫా బిన్‌ జయేద్‌ అల్‌ నహ్యాన్‌ మృతి అనంతరం తాజాగా అబుదాబి క్రౌన్‌ ప్రిన్స్‌ షేక్‌ అల్‌ నహ్యాన్‌ పాలకుడిగా నియమితులయినట్టు అక్కడి అధికార మీడియా వెల్లడించింది. ఫెడరల్ సుప్రీం కౌన్సిల్ ద్వారా ఆయన నియామకం జరిగినట్లు డబ్ల్యూఏఎం వార్తాసంస్థ తెలిపింది. 1971 నుంచీ యూఏఈ వ్యవస్థాపక అధ్యక్షుడిగా కొనసాగిన షేక్‌ జయేద్‌ బిన్‌ సుల్తాన్‌ అల్‌ నహ్యాన్‌ కుమారుడే షేక్‌ అల్‌ నహ్యాన్‌. షేక్‌ ఖలీఫాకు సోదరుడు.

యూఏఈ అధ్యక్షుడు, అబుదాభీ పాలకుడు షేక్‌ ఖలీఫా బిన్‌ జయేద్‌ అల్‌ నహ్యాన్‌ (73) శుక్రవారం కన్నుమూసిన విషయం తెలిసిందే. ఆయన చాలాకాలంగా అనారోగ్యంతో బాధపడుతూ వచ్చారు.  షేక్‌ ఖలీఫా మృతితో యూఏఈ అధ్యక్ష వ్యవహారాలశాఖ 40 రోజులపాటు సంతాప దినాలను ప్రకటించింది. అన్ని మంత్రిత్వ శాఖలు, ప్రభుత్వ, ప్రైవేటు సంస్థలు శుక్రవారం నుంచి మూడు రోజులు మూసి ఉంటాయని తెలిపింది. షేక్‌ ఖలీఫా మృతి గౌరవార్థం భారత ప్రభుత్వం సైతం శనివారం ఒక్కరోజు సంతాప దినంగా ప్రకటించింది.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని