Published : 25 Jan 2022 01:52 IST

Tonga: ‘ఆ పేలుడు శక్తి.. వందల హిరోషిమా అణుబాంబులకు సమానం’

ఇంటర్నెట్‌ డెస్క్‌: ఇటీవల దక్షిణ పసిఫిక్‌ మహాసముద్రంలో ‘హుంగా టోంగా హుంగా హా అపై’ అగ్నిపర్వతం బద్ధలైన విషయం తెలిసిందే. దీని ధాటికి సమీపంలోని టోంగా అనే ద్వీప దేశం అతలాకుతలమైంది. అక్కడ సమాచార వ్యవస్థ దెబ్బతినడంతో విధ్వంసం స్థాయి ఇంకా పూర్తిగా వెలుగులోకి రాలేదు. ఇదిలా ఉండగా, ఈ అగ్నిపర్వత విస్ఫోటం.. జపాన్‌లోని హిరోషిమాపై పడిన అణుబాంబు కంటే వందల రెట్లు ఎక్కువ శక్తిని విడుదల చేసినట్లు నాసా శాస్త్రవేత్తలు తాజాగా వెల్లడించారు. అగ్నిపర్వతం పేలిన సమయంలో విడుదలైన శక్తి.. 5- 30 మెగాటన్నుల టీఎన్‌టీ మధ్యలో ఉంటుందని భావిస్తున్నట్లు నాసా శాస్త్రవేత్త జిమ్ గార్విన్ ఒక ప్రకటనలో తెలిపారు. 1945లో హిరోషిమాపై వేసిన అణుబాంబు పేలుడు శక్తి (దాదాపు 15 కిలో టన్నుల టీఎన్టీ)కంటే ఇది వందల రెట్లు ఎక్కువని చెప్పారు.

అగ్నిపర్వతం బద్ధలైనప్పుడు వాతావరణంలో 40 కిలోమీటర్ల మేర బూడిద, పొగ వ్యాపించినట్లు నాసా ఎర్త్ అబ్జర్వేటరీ తెలిపింది. ఈ పేలుడు తీవ్రతకు టోంగా ద్వీపంలోని 65 కిలోమీటర్ల మేర ప్రాంతం తుడిచిపెట్టుకుపోయినట్లు చెప్పింది. ‘ఈ ఘటన.. టోంగాను విషపూరిత బూడిదతో కప్పేసింది. నీటి వనరులను కలుషితం చేసింది. పంటలు నాశనమయ్యాయి. రెండు గ్రామాలు పూర్తిగా ధ్వంసమయ్యాయి’ అని వెల్లడించింది. స్థానికులు ఇప్పుడిప్పుడే ఆ షాక్‌ నుంచి కోలుకుంటున్నట్లు ఓ వార్తాసంస్థ తెలిపింది. హానికర బూడిద కారణంగా.. ఆరోగ్య సమస్యలు వచ్చే అవకాశం ఉందని ఆందోళన వ్యక్తం చేస్తున్నట్లు పేర్కొంది. మరోవైపు జపాన్‌, న్యూజిలాండ్, ఆస్ట్రేలియా రక్షణ దళాలు.. టోంగాకు అత్యవసర సహాయ సామగ్రిని చేరవేయడంలో నిమగ్నమయ్యాయి.

Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని