Ukraine crisis: మిత్రదేశాల అండ.. ఉక్రెయిన్ చేతికి అత్యాధునిక ఆయుధ వ్యవస్థలు!
క్షిపణులు, ఇరాన్ డ్రోన్లతో రష్యా విరుచుకుపడుతోన్న వేళ.. ఉక్రెయిన్కు మరిన్ని అత్యాధునిక ఆయుధాలు అందుబాటులోకి వచ్చాయి. ముఖ్యంగా ఎయిర్ డిఫెన్స్ వ్యవస్థలు ఆ దేశ అమ్ములపొదిలో చేరాయి. పశ్చిమ మిత్ర దేశాల నుంచి ఈ గగనతల రక్షణ వ్యవస్థలు అందుకున్నట్లు ఉక్రెయిన్ సోమవారం ప్రకటించింది.
కీవ్: క్షిపణులు, ఇరాన్ డ్రోన్లతో రష్యా విరుచుకుపడుతోన్న వేళ.. ఉక్రెయిన్కు మరిన్ని అత్యాధునిక ఆయుధాలు అందుబాటులోకి వచ్చాయి. ముఖ్యంగా ఎయిర్ డిఫెన్స్ వ్యవస్థ(Air Defence Systems)లు ఆ దేశ అమ్ములపొదిలో చేరాయి. పశ్చిమ మిత్ర దేశాల నుంచి ఈ గగనతల రక్షణ వ్యవస్థలు అందుకున్నట్లు ఉక్రెయిన్ సోమవారం ప్రకటించింది. కొంతకాలంగా ఇంధన మౌలిక వసతులే లక్ష్యంగా మాస్కో చేపడుతోన్న దాడులను తిప్పికొట్టేందుకు ఈ ఆయుధాలు సహాయపడతాయని పేర్కొంది.
‘నేషనల్ అడ్వాన్స్డ్ సర్ఫేస్ టూ ఎయిర్ మిసైల్ సిస్టమ్స్(ఎన్ఏఎస్ఏఎంఎస్)’తోపాటు ఆస్పైడ్ అత్యాధునిక ఎయిర్ డిఫెన్స్ వ్యవస్థలు ఉక్రెయిన్కు చేరుకున్నాయి. ఈ ఆయుధాలు దేశ సైన్యాన్ని మరింత బలోపేతం చేస్తాయి. గగనతలాన్ని సురక్షితంగా మార్చుతాయి. మాపై దాడి చేస్తున్న శత్రు లక్ష్యాలను కూల్చివేస్తూనే ఉంటాం’ అని ఉక్రెయిన్ రక్షణశాఖ మంత్రి ఒలెక్సీ రెజ్నికొవ్(Oleksiy Reznikov) పేర్కొన్నారు. ఇందులో భాగస్వాములైన నార్వే, స్పెయిన్, అమెరికాలకు ధన్యవాదాలంటూ ట్వీట్ చేశారు.
గత నెల రోజుల వ్యవధిలో రష్యా దాడుల్లో ఉక్రెయిన్లోని మూడింట ఒక వంతు విద్యుత్ కేంద్రాలు ధ్వంసమయ్యాయి. దీంతో వందలాది పట్టణాలు అంధకారంలో చిక్కుకున్నాయి. దేశ రాజధాని కీవ్ చుట్టూ విద్యుత్ సరఫరా వ్యవస్థలో ఆటంకం ఏర్పడే అవకాశం ఉందని అధికారులు సోమవారం తెలిపారు. వీలైనంత వరకు విద్యుత్ను ఆదా చేయాలని ప్రజలను కోరారు. ఇదిలా ఉండగా.. రష్యా దాడులను ఎదుర్కొనేందుకుగానూ తమకు ఆయుధాలు సరఫరా చేయాలని ఉక్రెయిన్ మొదటినుంచి విజ్ఞప్తి చేస్తోన్న విషయం తెలిసిందే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమెరికా వర్సిటీల్లో గాజా అలజడి
గాజా పోరులో ఇజ్రాయెల్కు మద్దతుగా బైడెన్ ప్రభుత్వం అనుసరిస్తున్న విధానాలకు వ్యతిరేకంగా అమెరికా విశ్వవిద్యాలయాల్లో విద్యార్థులు గళమెత్తారు. -
జీపీఎస్ జామ్.. రష్యా ‘రహస్య ఆయుధం’ పనేనా..?
బాల్టిక్ సముద్రం మీదుగా వెళ్లే విమానాలు జీపీఎస్ జామ్ సమస్యను ఎదుర్కొంటున్నాయి. దీంతో గత కొంతకాలంగా వందల సంఖ్యలో విమానాలకు తీవ్ర అంతరాయం కలుగుతోంది. -
గుండె స్పందనలో తేడాలను ముందే పసిగట్టే ఏఐ
గుండె కొట్టుకునే రేటులో చోటుచేసుకునే మార్పుల (కార్డియాక్ అరిత్మియా)ను అంచనా వేయడానికి శాస్త్రవేత్తలు కృత్రిమ మేధ (ఏఐ) ఆధారిత వ్యవస్థను అభివృద్ధి చేశారు. -
దీర్ఘకాల నొప్పికి సామాజిక-ఆర్థిక మూలాలు!
సామాజిక-ఆర్థికపరంగా దిగువ స్థాయిలో ఉన్నవారికి గాయాలు అనంతరం దీర్ఘకాల నొప్పి బారినపడే ముప్పు రెట్టింపు స్థాయిలో ఉంటుందని తాజా పరిశోధన పేర్కొంది. -
అంతరిక్షంలోకి సాధారణ పౌరులు
అంతరిక్ష ప్రయోగాలు చేసే సామర్థ్యం లేని దేశాల పౌరులను రోదసిలోకి పంపేందుకు అమెరికాకు చెందిన స్పేస్ ఎక్స్ప్లొరేషన్ అండ్ రీసెర్చ్ ఏజెన్సీ (సెరా) ఒక ప్రాజెక్టును చేపట్టింది. -
గాల్లో ఢీకొన్న రెండు సైనిక హెలికాప్టర్లు
మలేసియాలో దుర్ఘటన చోటుచేసుకుంది. నౌకదళ వార్షికోత్సవాల కోసం శిక్షణ కార్యక్రమంలో పాల్గొన్న రెండు సైనిక హెలికాప్టర్లు ప్రమాదవశాత్తు ఢీకొని కూలిపోయాయి. -
ఉక్రెయిన్కు బ్రిటన్ రూ.542 కోట్ల ప్యాకేజీ
ఆయుధాల కొరతతో ఇబ్బంది పడుతున్నాం.. సైనిక సాయం కావాలంటూ గత కొంతకాలంగా మొరపెట్టుకుంటున్న ఉక్రెయిన్కు మరో ఊరట కలిగించే వార్త. -
దక్షిణ లెబనాన్పై ఇజ్రాయెల్ దాడి
హెజ్బొల్లా కీలక నేతలే లక్ష్యంగా దక్షిణ లెబనాన్పై ఇజ్రాయెల్ దాడులు చేస్తోంది. మంగళవారం ఐడీఎఫ్ జరిపిన దాడుల్లో ఇద్దరు హెజ్బొల్లా ఉగ్రవాదులు మృతి చెందారు. -
ఈ నగరంలో అడుగుపెట్టాలంటే.. టికెట్ కొనాల్సిందే!
పర్యటకుల సంఖ్యను కట్టడి చేసేందుకు ఇటలీలోని వెనిస్ సిద్ధమైంది. సందర్శకుల నుంచి ప్రవేశరుసుం వసూలు చేయనున్నట్లు ప్రకటించింది.