Ukraine Crisis: ఒకే వ్యోమనౌకలో భూమికి చేరనున్న అమెరికా, రష్యా వ్యోమగాములు..!

ఇంటర్నెట్‌ డెస్క్‌: ఉక్రెయిన్ యుద్ధంతో అమెరికా, రష్యా కయ్యానికి కాలు దువ్వుతున్నప్పటికీ.. అంతర్జాతీయ అంతరిక్ష కేంద్రంలో ఇరు దేశాలు.. ఒకదానికొకటి సహకరించుకుంటున్నాయి. అంతరిక్ష కేంద్రంలో రికార్డు స్థాయిలో 355 రోజులు గడిపిన అమెరికా వ్యోమగామిగా ఖ్యాతినార్జించిన మార్క్ వాన్ డే హే.. ఇవాళ రష్యా వ్యోమనౌక సోయుజ్ క్యాప్సుల్స్‌లో భూమికి చేరనున్నారు. ఇప్పటికే అంతరిక్ష కేంద్రంలో ఏడాదిపాటు ఉన్న రష్యా వ్యోమగాములు అంటోన్ ష్కప్లెరోవ్, ప్యోటర్-డుబ్రోవ్‌తో కలిసి తిరుగు ప్రయాణమయ్యారు. వీరు ప్రయాణిస్తున్న వ్యోమ నౌక కజకిస్తాన్‌లో దిగనుంది. ఓ వైపు ఉక్రెయిన్ యుద్ధంతో రష్యాపై అమెరికా కఠిన ఆర్థిక ఆంక్షలు అమలు చేస్తుండగా.. ఇరుదేశాల వ్యోమగామలు మాత్రం కలిసి భూమికి చేరనుండటం ఆసక్తికరంగా మారింది.