Published : 20 May 2022 01:40 IST

George W Bush: జార్జ్‌ బుష్ సెల్ఫ్‌గోల్‌..!

డల్లాస్‌: అమెరికా మాజీ అధ్యక్షుడు జార్జ్‌ డబ్ల్యూ బుష్‌కు ఇబ్బందికర పరిస్థితి ఎదురైంది. ఆయన రష్యా అధ్యక్షుడు పుతిన్‌ను విమర్శిస్తూ.. పొరపాటున నోరు జారి, నాలుక్కరుచుకున్నారు. ఇంతకీ విషయం ఏంటంటే..? ఉక్రెయిన్‌పై యద్ధం ప్రకటించి, అక్కడ మానవ సంక్షోభానికి కారణమైన రష్యాపై అమెరికా సహా పలు దేశాలు మండిపడుతున్నాయి. ఈ క్రమంలోనే అమెరికా మాజీ అధ్యక్షుడు డల్లాస్‌లో జరిగిన కార్యక్రమంలో మాట్లాడుతూ పుతిన్‌పై విమర్శలు చేశారు. ‘ఇరాక్‌పై రష్యా జరుపుతోన్న దాడి క్రూరమైంది. పూర్తిగా అనైతికం’ అంటూ వ్యాఖ్యానించారు. దాంతో అక్కడున్నవారంతా ఒక్కసారిగా నిశ్శబ్దంగా మారిపోయారు. ఆ వెంటనే తన తప్పిదాన్ని గుర్తించిన బుష్.. ఇరాక్‌ బదులుగా ఉక్రెయిన్ అని సరిచేసుకున్నారు. ‘నా వయస్సు 75’ అంటూ శ్రోతలకు సర్దిచెప్పే యత్నం చేశారు. కానీ, అప్పటికే జరగాల్సిన నష్టం జరిగిపోయింది. దానికి సంబంధించిన వీడియో నెట్టింట్లో చక్కర్లు కొడుతోంది. దీనిపై నెటిజన్లు కామెంట్ల వర్షం కురిపిస్తున్నారు. సబ్‌కాన్షియస్ ఆలోచనలు బయటకు వచ్చాయంటూ వ్యంగ్యంగా స్పందించారు. 

వాస్తవంగా 2003లో ఈ బుష్ హయాంలోనే అమెరికా దళాలు ఇరాక్‌పై దాడి చేశాయి. నాటి ఇరాక్ నియంత సద్దాం హుస్సేన్‌ను గద్దె దింపాయి. ఇక ఈ కార్యక్రమంలో పుతిన్‌పై విమర్శలు గుప్పించిన ఆయన.. ఉక్రెయిన్ అధ్యక్షుడు జెలెన్‌స్కీని ప్రశంసించారు. జెలెన్‌స్కీని బ్రిటన్ మాజీ ప్రధాని విన్‌స్టన్‌ చర్చిల్‌తో పోల్చారు.  

 


Read latest World News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని