Brain Cancer: మెదడు క్యాన్సర్ ఇక మెడ వంచాల్సిందే..!
మెదడును పట్టిపీడించే గ్లియోబ్లాస్టోమా అనే ప్రమాదకర క్యాన్సర్కు మెరుగైన చికిత్స దిశగా అమెరికా శాస్త్రవేత్తలు కీలక ఆవిష్కరణ చేశారు. ఈ వ్యాధి దూకుడుకు అసలు కారణాన్ని గుర్తించారు.
మెదడును పట్టిపీడించే గ్లియోబ్లాస్టోమా అనే ప్రమాదకర క్యాన్సర్కు మెరుగైన చికిత్స దిశగా అమెరికా శాస్త్రవేత్తలు కీలక ఆవిష్కరణ చేశారు. ఈ వ్యాధి దూకుడుకు అసలు కారణాన్ని గుర్తించారు. దాని జోరుకు కళ్లెం వేసే విధానాన్నీ వెలుగులోకి తెచ్చారు. ఈ మొండి క్యాన్సర్ను చికిత్సకు లొంగే వ్యాధిగా మార్చడానికి, బాధితులు ఎక్కువకాలం జీవించేలా చూడటానికి ఇది దోహదపడుతుందని భావిస్తున్నారు.
ఏమిటీ క్యాన్సర్?
గ్లియోబ్లాస్టోమా అనేది మెదడులోని ఆస్ట్రోసైట్లు అనే కణాల్లో తలెత్తుతుంటుంది. చాలా దూకుడుగా వ్యాప్తి చెందుతుంది. సాధారణంగా.. మెదడులోని అతిపెద్ద భాగమైన సెరిబ్రమ్లో ఇది పుట్టుకొస్తుంది. గ్లియోబ్లాస్టోమా కణితులు తమ సొంత రక్త సరఫరా వ్యవస్థను అభివృద్ధి చేసుకుంటాయి. ఫలితంగా వేగంగా ఎదుగుతాయి. ఆరోగ్యంగా ఉన్న మెదడు కణజాలంలోకి చాలా సులువుగా ప్రవేశిస్తుంటాయి.
లక్షణాలివీ..
ఈ క్యాన్సర్ వ్యాప్తిలో వేగం కారణంగా మెదడుపై త్వరగా ఒత్తిడి పడుతుంది. ఫలితంగా తీవ్ర తలనొప్పి, మూర్ఛ, వాంతులు, ఆలోచన శక్తి మందగించడం, భావోద్వేగాల్లో మార్పులు, ఒక వస్తువు రెండుగా కనిపించడం, మాటల్లో తడబాటు వంటివి రావొచ్చు.
త్వరగా మరణం..
గ్లియోబ్లాస్టోమా బాధితుల్లో ఎక్కువ మంది రెండేళ్లలోనే చనిపోతున్నారు. అతికొద్దిమంది మాత్రమే ఐదేళ్ల వరకూ జీవిస్తున్నారు. దశాబ్దాలుగా ఇదే పరిస్థితి. సమర్థ చికిత్స విధానం అందుబాటులో లేకపోవడమే ఇందుకు కారణం. ప్రస్తుతం దీనిపై పోరుకు శస్త్రచికిత్సలు, శక్తిమంతమైన ఔషధాలను వాడుతున్నారు. ఇంతచేసినా.. పెద్దగా ఫలితం ఉండటంలేదు.
ఇదీ పరిశోధన..
అమెరికాలోని కోల్డ్ స్ప్రింగ్ హార్బర్ లేబొరేటరీ (సీఎస్హెచ్ఎల్)కి చెందిన ఎలీ మిల్స్ నేతృత్వంలోని శాస్త్రవేత్తలు గ్లియోబ్లాస్టోమాపై పరిశోధన చేశారు. ప్రధానంగా బీఆర్డీ8, పీ53 ప్రొటీన్లపై దృష్టిపెట్టారు.
* పీ53 అనేది శరీరంలోని సహజసిద్ధ క్యాన్సర్ రక్షణ కవచం. కణాలు మితిమీరి పెరిగి, కణితులుగా మారకుండా ఇది అడ్డుకుంటుంది. ఈ ప్రొటీన్ నిర్వీర్యం కావడం వల్లే క్యాన్సర్లు తలెత్తుతున్నాయి.
* అయితే గ్లియోబ్లాస్టోమాలోని మెజార్టీ కేసుల్లో పీ53 చెక్కుచెదరడంలేదు. అయినా ఈ క్యాన్సర్ ఎలా వ్యాప్తి చెందుతోందన్నది ఏళ్లుగా అంతుచిక్కకుండా ఉంది. దీనికి సమాధానం కనుగొనే క్రమంలో మిల్స్ బృందం కీలకాంశాన్ని గుర్తించింది. గ్లియోబ్లాస్టోమా బాధితుల్లో బీఆర్డీ8 కట్టుతప్పి వ్యవహరిస్తోందని గమనించింది. తద్వారా పీ53ని కొత్త పద్ధతిలో శక్తిహీనం చేస్తున్నట్లు తేల్చింది.
* క్రోమోజోముల్లోని జన్యువులు క్రియాశీలం కాకుండా బీఆర్డీ8 నిలువరిస్తుంటుంది. ఫలితంగా అవి నిద్రాణంగా ఉండిపోతాయి. గ్లియోబ్లాస్టోమా కేసుల్లో బీఆర్డీ8 లోపభూయిష్టంగా క్రియాశీలమవుతున్నట్లు శాస్త్రవేత్తలు గుర్తించారు. దీంతో పీ53లోని కీలక క్యాన్సర్ రక్షణ వ్యవస్థలు శక్తిహీనమవుతున్నట్లు తేల్చారు.
* జీనోమ్ ఎడిటింగ్ విధానం ద్వారా బీఆర్డీ8ని నిర్వీర్యం చేసినప్పుడు పీ53లోని రక్షణ వ్యవస్థలు మేల్కొని కణితిపై పోరాటం చేస్తున్నట్లు గుర్తించారు.
దీర్ఘాయుష్షు
పరిశోధనలో భాగంగా శాస్త్రవేత్తలు గ్లియోబ్లాస్టోమా కణితి కణాలను ఎలుకల్లోకి చొప్పించారు. ఫలితంగా వాటి మెదడులో ట్యూమర్లు పెరిగాయి. ఈ దశలో బీఆర్డీ8ని పరిశోధకులు క్రియారహితం చేశారు. దీనివల్ల పీ53 క్రియాశీలమైంది. ఫలితంగా కణితుల్లో పెరుగుదల ఆగిపోయింది. ఆ ఎలుకలు దీర్ఘకాలం జీవించాయి.
ఈనాడు ప్రత్యేక విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దేశాల మధ్య డీప్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
డీప్ఫేక్ (Deep Fake) రెండు దేశాల మధ్య చిచ్చు పెట్టగలదు.. ఇప్పటికే ఉన్న ఉద్రిక్తతలను మరింత పెంచగలదని ఫిలిప్పీన్స్లో విడుదలైన ఒక వీడియో చూస్తే అనిపించకమానదు. ఇంతకీ ఏం జరిగిందంటే..? -
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
USA: ప్రయాణికులపై అదనపు రుసుముల భారాన్ని తగ్గించడం, అనవసర ఫీజుల నుంచి ఉపశమనం కల్పించడంలో భాగంగా అమెరికా కొత్త నిబంధనలను తీసుకొచ్చింది. -
ఇండొనేసియా నూతన అధ్యక్షుడిగా ప్రబోవో సుబియాంతో
ఇండొనేసియా నూతన అధ్యక్షుడిగా ప్రబోవో సుబియాంతో ఎన్నికైనట్లు ఆ దేశ ఎన్నికల సంఘం బుధవారం లాంఛనంగా ప్రకటించింది. -
కట్టు తప్పిన సైనిక గుర్రాలు.. లండన్ వీధుల్లో పరుగోపరుగు
రద్దీగా ఉన్న రోడ్లపై రౌతులు లేకుండా అడ్డదిడ్డంగా పరుగులు తీస్తున్న అయిదు మిలటరీ గుర్రాలను చూసి బుధవారం లండన్ వాసులు విస్తుపోయారు. -
మరికొన్ని గంటల్లోనే ఉక్రెయిన్కు ఆయుధాలు
ఉక్రెయిన్, ఇజ్రాయెల్, తైవాన్తో పాటు.. ఇండో పసిఫిక్ భద్రత కోసం ప్రతిపాదించిన సుమారు రూ.8 లక్షల కోట్ల ప్యాకేజీ (95.3 బిలియన్ డాలర్లు) బిల్లుకు మంగళవారం రాత్రి అమెరికా సెనెట్ 79-18తో ఆమోదముద్ర తెలిపింది. -
అమెరికా వైదొలగితే.. ప్రపంచానికి ఎవరు నాయకత్వం వహిస్తారు: బైడెన్
ఫ్లోరిడాలో మంగళవారం జరిగిన ప్రచార సభలో డెమోక్రటిక్ పార్టీ అధ్యక్ష అభ్యర్థి బైడెన్ కీలక వ్యాఖ్యలు చేశారు. ప్రపంచాధినేతగా అమెరికా ఉండాల్సిన అవసరం లేదని తన ప్రత్యర్థి, రిపబ్లికన్ పార్టీ అభ్యర్థి డొనాల్డ్ ట్రంప్ వాదిస్తున్నారని ఆరోపించారు. -
కశ్మీర్ సమస్యను శాంతియుతంగా పరిష్కరించుకోవాలి
కశ్మీర్ సమస్యను ఆ ప్రాంత ప్రజల అభీష్టానికి అనుగుణంగా శాంతియుతంగా పరిష్కరించుకోవాలని పాకిస్థాన్, ఇరాన్లు బుధవారం విడుదల చేసిన ఓ ఉమ్మడి ప్రకటనలో పేర్కొన్నాయి. -
రోదసిలోకి మరో ముగ్గురు చైనా వ్యోమగాములు!
చందమామపైకి 2030 నాటికి మానవులను పంపాలన్న లక్ష్యం దిశగా చైనా అడుగులు వేస్తోంది. ఇందులో భాగంగా భూదిగువ కక్ష్యలోని తన రోదసి కేంద్రంలోకి ముగ్గురు వ్యోమగాములను పంపనుంది. -
మూడోసారి అంతరిక్షంలోకి సునీతా విలియమ్స్!
భారత సంతతికి చెందిన అమెరికా వ్యోమగామి సునీతా విలియమ్స్.. మూడోసారి అంతరిక్షయానం చేయనున్నారు. ఈసారి ఆమెతో పాటు బట్చ్ విల్మోర్ కూడా వెళ్లనున్నారు. -
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
హృదయ సంబంధ వ్యాధితో బాధ పడుతున్న పాకిస్థాన్ యువతికి భారతీయుడి గుండెను ఉచితంగా అమర్చి మానవత్వాన్ని చాటుకున్నారు చైన్నైలోని ఓ ఆస్పత్రి వైద్యులు. -
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!
ఎల్లప్పుడూ రద్దీగా ఉండే లండన్ వీధుల్లో రెండు ఆర్మీ గుర్రాలు పరుగులు పెడుతూ బుధవారం హల్చల్ చేశాయి.
తాజా వార్తలు (Latest News)
-
హైదరాబాద్, బెంగళూరు మ్యాచ్.. మెట్రో రైళ్ల సమయం పొడిగింపు
-
రూ.8500కే మూడు రోజుల శిర్డీ టూర్.. ఐఆర్సీటీసీ ప్యాకేజీ వివరాలు ఇవీ..
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీప్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో