Atlanta: ప్రపంచంలోనే అత్యధిక వయసున్న మగ గొరిల్లా ఓజీ.. కన్నుమూత

అట్లాంటా: ప్రపంచంలోనే అత్యధిక వయసున్న మగ గొరిల్లాగా ఓజీ.. కన్నుమూసింది. 61 ఏళ్ల ఓజీ.. అమెరికాలోని అట్లాంటా జంతు ప్రదర్శనశాలలో చనిపోయింది. ఓజీ మరణించినట్లు అట్లాంటా జంతుప్రదర్శనశాల వర్గాలు వెల్లడించాయి. ఓజీ చనిపోవడానికి గల కారణాలు స్పష్టంగా తెలియడంలేదని తెలిపాయి. వారం రోజులుగా ఓజీకి ఆకలి మందగించినట్లు జూ అధికారులు చెప్పారు. ఓజీ అత్యధిక వయసు గల మగ గొరిల్లాగా గుర్తింపు పొందడమే కాకుండా.. ప్రపంచంలోనే అత్యధిక వయస్సు కలిగిన గొరిల్లాలలో మూడోది. ఓజీ మరణం.. అట్లాంటా జంతుప్రదర్శనశాలకు తీరని లోటుగా పేర్కొంటూ.. జూ అధ్యక్షుడు, సీఈవో రేమండ్ కైండ్ విచారం వ్యక్తం చేశారు.