‘దివ్య’ంగా ఉతికేస్తుంది!

విడ్డూరం-ఆశ్చర్యం

‘దివ్య’ంగా ఉతికేస్తుంది!

పది లీటర్ల నీరు... పది కిలోల దుస్తులు

మామూలు వాషింగ్‌ మిషన్‌కు లీటర్లకొద్దీ నీళ్లు... బోల్డంత కరెంటు, గంటల సమయం కావాలి. ఇక నిరుపేద మహిళలైతే ఇంటిల్లిపాదీ వేసుకున్న దుస్తులను చేతులతో ఉతుకుతూ...తీవ్ర అలసటతోపాటు సుదీర్ఘకాలంలో పలు రకాల అనారోగ్యాలకు గురి అవుతూ ఉంటారు. అలాంటి వారి కోసం ఓ యంత్రాన్ని కనిపెట్టాడు. అరబకెట్‌ నీళ్లతో పావుగంటలో పది కిలోల దుస్తులు శుభ్రంచేసే వాషింగ్‌ మిషన్‌ను తయారుచేశాడు. దానికి స్నేహితురాలి పేరే పెట్టాడు.
చిన్నప్పుడే లండన్‌లో స్థిరపడ్డ భారతీయ కుటుంబానికి చెందిన నవ్‌సాహ్నీ ఇంజినీరింగ్‌ పూర్తి చేసి, ఉన్నత చదువుల కోసం పుదుచ్చేరి వచ్చాడు. ఆ సమయంలో ఓ ప్రాంతంలో అద్దె ఇంట్లో ఉండేవాడు. పొరుగున నివసించే ఆంగ్లం మాట్లాడే దివ్యతో పరిచయమైంది. 25 ఏళ్ల వయసులోపే ఆమెకు వివాహమై ముగ్గురు పిల్లలుండటంతో వారి సంరక్షణలో ఉండేదామె. ప్రతి రోజు... ఇంటిల్ల్లిపాదీ దుస్తులను ఉతుకుతూ కనిపించేది అంటాడు సాహ్నీ. ‘స్థానికంగా చాలా విషయాలను, విశేషాలను ఆమె చెప్పేది. చేతులతో రోజూ దుస్తులను ఉతకడంవల్ల చాలా రకాల అనారోగ్యాలకు గురి అవుతున్నానని బాధపడేది. ఆమె కోసం ఏదైనా ప్రత్యేక యంత్రాన్ని తయారుచేయాలని ఆలోచించేవాడిని. ఫలితమే నేను కనిపెట్టిన వాషింగ్‌ మిషన్‌. దివ్య గురించి రూపొందించడంతో దీనికి ‘దివ్య వాషింగ్‌ మిషన్‌’ అని పేరు పెట్టా’ అని అంటాడు సాహ్నీ.

దివ్య

మార్కెటింగ్‌లో...
ప్రపంచవ్యాప్తంగా సాహ్నీ ఈ యంత్రాన్ని పరిచయం చేయాలనుకున్నాడు. ఈ దిశగా, గతేడాదిలో ఓ ప్రాజెక్టునూ ప్రారంభించాడు. పలు దేశాల్లోని పలువురికి ఈ వాషింగ్‌ మిషన్‌ను అందించాడు. వారి వద్ద సలహాలు తీసుకుని కావాల్సిన మార్పులు చేయడానికి పలు ఎన్జీవోలకు చెందిన కమ్యూనికేషన్స్‌, డేటా సైన్స్‌, ఇంజినీరింగ్‌ వంటి రంగాల్లో నిపుణుల సహాయాన్ని తీసుకున్నాడు. ఐఆర్‌ఐఎల్‌తో ఒప్పందాన్ని కుదుర్చుకున్నాడు. ఈ మిషన్‌ తయారీకి అవసరమయ్యే నిధులను ఆన్‌లైన్‌ ద్వారా సహాయాన్ని కోరుతున్నాడు. దాదాపు 500కు పైగా వీటిని రూపొందించి నిరుపేదలకు ఉచితంగా అందించాడు. భారతదేశం సహా విదేశాల్లోనూ... దివ్య వాషింగ్‌ మిషన్‌ నిరుపేద మహిళలందరికీ చేరాలనేదే తన కల అంటున్నాడు సాహ్నీ.ఈ యంత్రానికి కరెంటు అవసరం లేదు. చేతితో తిప్పితే చాలు. పది లీటర్ల నీటితో పది కేజీల దుస్తులను ఇందులో ఉతికేయొచ్చు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

విడ్డూరం-ఆశ్చర్యం

మరిన్ని

రుచులు

App