ఇళ్ల ముందే సమాధులు

విడ్డూరం-ఆశ్చర్యం

ఇళ్ల ముందే సమాధులు

సమాధులు ఎక్కడుంటాయి? శ్మశానంలో..! మరి ఊర్లో ఇళ్లముందే ఉంటే..? అలా ఎందుకు ఉంటాయి!? ఉన్నాయి.. మరి! వీటికి ప్రత్యేక పూజలు చేస్తుంటే..! ప్రతి రోజూ ఆ సమాధులకు నైవేద్యం సమర్పించనిదే ముద్దైనా ముట్టకపోతే..!?

కర్నూలు జిల్లాలోని గోనెగండ్ల మండలం గంజహళ్లి పంచాయతీలోని మజారా గ్రామమైన అయ్యకొండలో అంతా ఒకే తెగకు చెందిన 620 మంది ప్రజలు నివశిస్తున్నారు. సుమారు 87 ఇళ్లు ఉండగా, ప్రతి ఒక్క ఇంటి ముందు సమాధులు దర్శనమిస్తాయి. ఇవి తమ పూర్వికుల అనురాగ మందిరాలంటారు గ్రామస్థులు. అవ్వ, తాత, తల్లిదండ్రులు ఇలా ఎవరు మరణించినా ఇళ్ల ముందే వారి సమాధులు కట్టించుకుంటారు. ప్రతి శనివారం గ్రామ దేవాలయంతోపాటు సమాధులకు దీపాలు వెలిగించి ప్రత్యేక పూజలు నిర్వహిస్తారు. ఉదయం ఇళ్ల ముందు సమాధులకు నైవేద్యం పెట్టకుండా దినచర్య ప్రారంభించరు. ఇక్కడ ఏ ఇంటిలోనూ మంచాలే వాడరు. బాలింతలైనా కటిక నేలపై పడుకోవాల్సిందే. ఇదీ ఓ ఆచారమిక్కడ. పెద్దలను చూసుకోవడమే కష్టమనే తరం వచ్చిన కాలంలోనూ పూర్వికుల సమాధుల సైతం గౌరవిస్తుండటం ఇక్కడి ప్రజల గొప్పదనం.

- యడ్లపాటి బసవ సురేంద్ర

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి