తాత, బామ్మల డేకేర్‌!

విడ్డూరం-ఆశ్చర్యం

తాత, బామ్మల డేకేర్‌!

ప్రధాని నరేంద్ర మోదీ హామీ
మూడు దీవుల పేర్లు మార్పు

కార్‌ నికోబార్‌/పోర్టుబ్లెయిర్‌: అండమాన్‌, నికోబార్‌ దీవుల ప్రజల భద్రతకు ప్రభుత్వం అధిక ప్రాధాన్యం ఇస్తోందని ప్రధాని నరేంద్ర మోదీ అన్నారు. ఇక్కడ మరిన్ని సౌకర్యాలు కల్పించడానికి కృషి చేస్తోందని చెప్పారు. ఆదివారం కార్‌ నికోబార్‌ దీవిలోని బీజేఆర్‌ స్టేడియంలో జరిగిన కార్యక్రమంలో ఆయన ప్రసంగించారు. 2004లో వచ్చిన సునామీని తట్టుకొని అభివృద్ధి పథంలో నడుస్తున్నందుకు కార్‌ నికోబార్‌ ప్రజలను అభినందించారు. ఇక్కడ ఉమ్మడి కుటుంబ వ్యవస్థ కొనసాగుతుండడం అభినందనీయమని, ఇది దేశానికే ఆదర్శప్రాయమని ప్రశంసించారు. సముద్రం అలల కోత నుంచి రక్షణ నిమిత్తం గోడ నిర్మించాలని ఎప్పటి నుంచో స్థానిక ప్రజలు కోరుతున్నారని, ఇందుకు రూ.50 కోట్లు కేటాయిస్తున్నామని చెప్పారు. రైతుల ప్రయోజనార్థం కొబ్బరి మద్దతు ధరలు పెంచినట్టు తెలిపారు. పర్యావరణ పరిరక్షణలో భాగంగా ఈ దీవిలో సౌర విద్యుత్తు వినియోగానికి అధిక ప్రాధాన్యం ఇస్తున్నామని చెప్పారు. ఇక్కడ 300 కిలోవాట్టుల సౌర విద్యుత్తు ఉత్పాదన కేంద్రాన్ని ఏర్పాటు చేయనున్నట్టు వెల్లడించారు. తొలుత సునామీ మృతుల స్మారక స్థూపం వద్ద ప్రధాని నివాళులు అర్పించారు. ఇక్కడ ఐటిఐ, ఆధునిక క్రీడా ప్రాంగణాన్ని ప్రారంభించారు. దక్షిణ అండమాన్‌లోని హోప్‌ టౌన్‌లో 50 మెగావాట్టుల ఎల్‌ఎన్‌జీ ఆధారిత విద్యుత్తు ప్రాజెక్టుకు శంకుస్థాపన చేశారు.
సెల్యులార్‌ జైలు సందర్శన
పోర్టు బ్లెయిర్‌లోని సెల్యులార్‌ జైలును ప్రధాని మోదీ సందర్శించారు. సమరయోధుల స్థూపం వద్ద పుష్పగుచ్ఛాలు ఉంచారు. ఈ జైలులోనే ప్రముఖ స్వాతంత్య్ర సమరయోధులు వీర్‌ సావర్కర్‌, ఫజల్‌ ఎ హక్‌ ఖైరాబాదీ, యోగేంద్ర శుక్లా, బటుకేశ్వర్‌ దత్‌, సచీంద్రనాథ్‌ సన్యాల్‌ వంటి నాయకులను బ్రిటిష్‌ ప్రభుత్వం నిర్బంధించింది.
నేతాజీపై ప్రత్యేక నాణెం
ఇక్కడి మూడు దీవుల పేర్లును ప్రధాని మోదీ మార్చారు. రాస్‌ ఐలండ్‌ పేరును నేతాజీ సుభాష్‌ చంద్ర బోస్‌ ద్వీప్‌గా, నీల్‌ ఐలాండ్‌ను షహీద్‌ ద్వీప్‌గా, హేవ్‌లాక్‌ ఐలండ్‌ను స్వరాజ్‌ ద్వీప్‌గా మార్చారు. నేతాజీ ఇక్కడ త్రివర్ణ పతాకాన్ని ఆవిష్కరించి 75 ఏళ్లు పూర్తయిన సందర్భాన్ని పురస్కరించుకొని 75 రూపాయల నాణేన్ని, తపాలా బిళ్లను, దానిని అతికించిన కవర్‌ను ఆవిష్కరించారు. ఈ సందర్భంగా పోర్టుబ్లెయిర్‌లోని నేతాజీ స్టేడియంలో జరిగిన కార్యక్రమంలో మోదీ ప్రసంగించారు. ఈ సందర్భంగా ఆయన హింద్‌ ఫౌజ్‌ టోపీని ధరించడం విశేషం.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి