ఆ ఐదుగురు అక్కాచెల్లెళ్లూ ఆర్‌ఏఎస్ ఆఫీసర్లే! - 3 sisters cracked rajasthan administrative service exam together
close
Updated : 15/07/2021 19:09 IST
Facebook Share Twitter Share WhatsApp Share Telegram Share Link Share

ఆ ఐదుగురు అక్కాచెల్లెళ్లూ ఆర్‌ఏఎస్ ఆఫీసర్లే!

Photo: Twitter

ఒక ఆడపిల్ల పుడితేనే గుండెల మీద కుంపటిలా భావించే వాళ్లు ఇప్పటికీ ఉన్నారు. అలాంటిది ఆ పేద రైతు దంపతులకు ఏకంగా ఐదుగురు ఆడపిల్లలు పుట్టారు. అయినా రెక్కలు ముక్కలు చేసుకుని అందరినీ పాఠశాలకు పంపించారు. పేరెంట్స్‌ కష్టాన్ని అర్థం చేసుకున్న ఆ ఐదుగురు అక్కాచెల్లెళ్లు కూడా ఉన్నత చదువులు అభ్యసించారు. పెద్ద పెద్ద ఉద్యోగాలు సాధించారు. తమ తల్లిదండ్రులకు కుమారులు లేని లోటు కనపడనీయకుండా చేశారు.

ముగ్గురు అక్కాచెల్లెళ్లు ఒకేసారి!

మన ఇంట్లో ఒకరికి ప్రభుత్వ ఉద్యోగమొస్తేనే సంబరాలు చేసుకుంటాం. అలాంటిది ఒకేసారి ముగ్గురికి, అది కూడా గ్రూప్‌-1 స్థాయి ఉద్యోగం వస్తే ఆ ఆనందాన్ని మాటల్లో వర్ణించలేం. ప్రస్తుతం అలాంటి ఆనందంలోనే తేలియాడుతోంది రాజస్థాన్‌లోని భైరుసరి గ్రామానికి చెందిన సహదేవ్‌ సహరన్‌ కుటుంబం. 2018లో నిర్వహించిన రాజస్థాన్‌ పబ్లిక్‌ సర్వీస్‌ కమిషన్‌ పరీక్షా ఫలితాలు ఇటీవల విడుదలయ్యాయి. ఇందులో సహదేవ్‌ ముగ్గురు కూతుళ్లు అన్షు, రీతు, సుమన్‌లు ఏకకాలంలో ఆర్‌ఏఎస్‌(రాజస్థాన్‌ అడ్మినిస్ట్రేటివ్‌ సర్వీస్‌)కు ఎంపికయ్యారు. ఇతని పెద్ద కుమార్తెలు రోమా, మంజులు ఇప్పటికే ఆర్‌ఏఎస్‌ ఆఫీసర్లుగా బాధ్యతలు నిర్వర్తిస్తున్నారు. తాజాగా ఈ ముగ్గురు కూడా ఆర్ఏఎస్‌కు ఎంపికవ్వడంతో సహదేవ్‌ కుటుంబంతో పాటు భైరుసరి గ్రామస్తులు సంబరాలు చేసుకుంటున్నారు.

ఐదుగురూ ఆర్‌ఏఎస్‌ ఆఫీసర్లే!

సహదేవ్‌ సహరన్‌ కేవలం 8వ తరగతి వరకే చదువుకున్నారు. ఆయన సతీమణి లక్ష్మి పూర్తిగా నిరక్షరాస్యురాలు. పొలం పనులు చేసుకునే ఈ దంపతులు తమకు పుట్టిన ఐదుగురు కూతుళ్లను కొడుకులుగా పెంచారు. వారికెలాంటి లోటు రానీయకుండా ఉన్నత చదువులు చదివించారు. ఆ దంపతుల రెక్కల కష్టం ఊరికే పోలేదు. ఆయన పెద్ద కూతుళ్లు రోమా, మంజులు కొన్నేళ్ల క్రితమే ఆర్‌ఏఎస్‌ ఆఫీసర్లుగా ఎంపికయ్యారు. తాజాగా విడుదలైన ఆర్‌ఏఎస్ ఫలితాల్లో మిగతా ముగ్గురు కుమార్తెలు కూడా ఉత్తీర్ణులయ్యారు.

‘ఇలా ఏక కాలంలో ముగ్గురం ఆర్‌ఏఎస్‌కు ఎంపికవ్వడం ఎంతో సంతోషాన్నిస్తోంది. అమ్మానాన్నలు మమ్మల్ని బాగా ప్రోత్సహించారు. వారితో పాటు అమ్మమ్మ సుందర్‌ దేవి, టీచర్ల సహకారంతోనే మేం ఈ పరీక్షల్లో ఉత్తీర్ణులమయ్యాం. మా సక్సెస్‌ క్రెడిట్‌ వీరికే చెందుతుంది’ అని ఈ సందర్భంగా చెప్పుకొచ్చారీ త్రీ సిస్టర్స్.

వారి పేరెంట్స్‌ను గర్వపడేలా చేశారు!

ఈ నేపథ్యంలో ప్రముఖ ఇండియన్‌ ఫారెస్ట్‌ అధికారి పర్వీన్‌ కాశ్వాన్‌ ఆర్‌ఏఎస్‌కు ఎంపికైన ముగ్గురు అక్కాచెల్లెళ్ల ఫొటోను ట్విట్టర్‌లో షేర్‌ చేస్తూ ‘నిజంగా ఇది శుభవార్తే. హనుమాన్‌ఘర్‌ జిల్లాకు చెందిన అక్కాచెల్లెళ్లు అన్షు, రీతు, సుమన్‌ ఒకేసారి ఆర్‌ఏఎస్‌కు ఎంపికయ్యారు. తద్వారా వారి తల్లిదండ్రులు, కుటుంబం గురించి అందరూ గొప్పగా చెప్పుకునేలా చేశారు’ అని రాసుకొచ్చారు. ప్రస్తుతం ఈ పోస్ట్‌ సోషల్‌ మీడియాలో ట్రెండింగ్‌లో నిలిచింది. చాలామంది నెటిజన్లు ముగ్గురు అక్కాచెల్లెళ్లను అభినందిస్తూ కామెంట్ల వర్షం కురిపిస్తున్నారు.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని