98 ఏళ్లు.. అయినా మనోధైర్యంతో కరోనాను జయించింది! - 98 year old annapurna biswal becomes eldest from odisha to defeat covid 19
close
Published : 29/06/2021 16:04 IST

98 ఏళ్లు.. అయినా మనోధైర్యంతో కరోనాను జయించింది!

Image for Representation

మాయదారి కరోనా మహమ్మారి ఎవరినీ కనికరించడం లేదు. యువతను, చిన్నపిల్లలను సైతం కబళిస్తూ ఎవరికీ మనశ్శాంతి లేకుండా చేస్తోంది. ఈ క్రమంలో వృద్ధులు, అందులోనూ దీర్ఘకాలిక అనారోగ్య సమస్యలున్న వారైతే ప్రాణాలు అరచేతిలో పెట్టుకుని కాలం గడుపుతున్నారు. అయితే సరైన సమయంలో చికిత్స తీసుకోవడంతో పాటు కొంచెం మానసిక స్థైర్యం ఉంటే కరోనానే కాదు ఎలాంటి మహమ్మారి వైరస్‌లనైనా మట్టుబెట్టవచ్చని వైద్యులు, ఆరోగ్య నిపుణులు చెబుతున్నారు. ఇందుకు తగ్గట్టే శతాధిక వృద్ధులు కూడా కరోనా నుంచి కోలుకున్న సంఘటనలను మనం చూస్తూనే ఉన్నాం. తాజాగా అలాంటి మరొక సంఘటన ఒడిశాలో చోటు చేసుకుంది.

వారం రోజుల్లోనే వైరస్‌ను జయించింది!

ఒడిశా రాజధాని భువనేశ్వర్‌ సమీపంలోని చంద్రశేఖర్‌పూర్‌కు చెందిన అన్నపూర్ణ బిస్వాల్‌ వయసు 98 ఏళ్లు. రెండు దశాబ్దలుగా మధుమేహంతో బాధపడుతున్న ఈ బామ్మకు ఫైలేరియా, బీపీ లాంటి అనారోగ్య సమస్యలు కూడా ఉన్నాయి. వీటికి తోడు వృద్ధాప్య సమస్యలు ఆమెను వెంటాడుతూనే ఉన్నాయి. సాధారణంగా ఇలాంటి పరిస్థితుల్లో కొవిడ్‌ సోకితే ఎవరైనా తెగ భయపడిపోతారు. కానీ సెంచరీకి చేరువవుతోన్న ఈ బామ్మ మాత్రం ఎలాంటి బెరకు లేకుండా ఆస్పత్రిలో చికిత్స తీసుకుంది. మనోధైర్యంతో పాటు మరికొంత కాలం బతకాలన్న కోరికతో కరోనా మహమ్మారిని జయించింది. వారం రోజుల్లోనే ఆస్పత్రి నుంచి డిశ్చార్జై ఇంటికి చేరుకుంది.

ఆక్సిజన్ లెవెల్స్‌ క్షీణించినా అధైర్యపడలేదు!

ఒడిశా రాష్ట్రానికి సంబంధించి కరోనా నుంచి కోలుకున్న అతి పెద్ద వయస్కురాలిగా అరుదైన గుర్తింపు పొందారీ ఓల్డ్‌ వుమన్. ఈ క్రమంలో అన్నపూర్ణ రికవరీతో ఆస్పత్రిలో ఓ రకమైన సానుకూల దృక్పథం నింపిందంటున్నారు ఆమెకు చికిత్స అందించిన వైద్యులు.

‘ఆస్పత్రిలో ఉన్నప్పుడు చాలాసార్లు బామ్మ ఆక్సిజన్‌ లెవెల్స్‌ క్షీణించాయి. కానీ ఆమె ధైర్యం కోల్పోవడం మేం ఎప్పుడూ చూడలేదు. ఆస్పత్రిలో ఉన్నన్ని రోజులు వైద్యులతో పాటు నర్సులకు పూర్తిగా సహకరించింది. ఆమె మానసిక దృఢత్వం, మరికొంతకాలం ఈ లోకంలో ఉండాలన్న కోరికలే తనను త్వరగా కోలుకునేలా చేశాయి. ఇక్కడ అన్నపూర్ణ లాంటి వృద్ధులు ఎంతోమంది కరోనాతో పోరాడుతున్నారు. తన రికవరీతో వాళ్లందరిలోనూ ఓ సానుకూల దృక్పథాన్ని నింపారామె’ అని ఓ వైద్యుడు చెప్పుకొచ్చారు.

ఆస్పత్రికి తీసుకెళ్లే వరకు అసలు విషయం చెప్పలేదు!

అన్నపూర్ణ కోలుకోవడంలో వైద్యులు కూడా కీలకపాత్ర పోషించారని ఆమె కుటుంబ సభ్యులు చెబుతున్నారు. ‘అమ్మకు సేవలందించే హోం నర్సు ద్వారానే ఈ మహమ్మారి మా ఇంట్లోకి ప్రవేశించింది. తనకు కరోనా పాజిటివ్‌ వచ్చిన మరుసటి రోజే అమ్మకు కూడా కరోనా సోకినట్లు నిర్ధారితమైంది. దీంతో అందరమూ కొవిడ్‌ టెస్ట్‌ చేయించుకున్నాం. అదృష్టవశాత్తూ అమ్మతో పాటు మా ఇంట్లో మరొకరికి మాత్రమే కొవిడ్‌ ఉన్నట్లు తేలింది. అమ్మ రెండు దశాబ్దాలుగా మధుమేహంతో పోరాడుతోంది. బీపీ కూడా ఉంది. ఇలాంటి పరిస్థితుల్లో తనకు కరోనా సోకడంతో మొదట భయపడ్డాం. అందుకే ఆస్పత్రికి తీసుకెళ్లే వరకు అమ్మతో కూడా ఈ విషయం చెప్పలేదు’.

ఇంటికొచ్చాక కొద్దిసేపు ఏమీ మాట్లాడలేదు!

‘ఇక చికిత్స సమయంలో రోజూ రెండుసార్లు వీడియోకాల్‌లో అమ్మతో మాట్లాడే వాళ్లం. ఆస్పత్రి హెల్ప్‌ డెస్క్‌ సహాయంతో నిరంతరం తన ఆరోగ్య పరిస్థితి గురించి తెలుసుకునేవాళ్లం. అలా వైద్యుల సహకారంతో వారం రోజుల్లోనే అమ్మ కరోనాను జయించింది. ఇటీవలే తనను ఆస్పత్రి నుంచి డిశ్చార్జ్‌ చేశారు. అంబులెన్స్‌లో ఇంటికొచ్చాక కొద్ది సేపు అమ్మ ఎవరితోనూ మాట్లాడలేదు. కానీ ఆ తర్వాత మళ్లీ సాధారణ స్థితికి వచ్చింది. ఇంట్లో అందరూ మాస్క్‌లు ధరించాలని, తన దగ్గరకు ఎవరూ రావొద్దని మాకు సూచించింది’ అని ఆమె కుమారుడు చెప్పుకొచ్చాడు.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని